Sa mga oras na ito ay nasa New York na si Miss Universe 2016 Iris Mittenaere.
Ito ay upang masimulan na ang kanyang Miss Universe duties kaugnay ng mga adbokasiya na kanyang isusulong sa loob ng kanyang reign.
Pero, bago pa man siya lumipad papuntang Amerika kahapon, February 2, dumaan muna si Iris sa French embassy upang makipag-meeting sa kanilang ambassador sa Pilipinas.
Sa ulat naman ni MJ Marfori ng News5, sinabi raw ni Iris na sabik na siya sa pagkakataong makabalik sa Pilipinas.
itinuturing na raw ni Iris ang bansa na kanyang pangalawang tahanan.
Sa kanyang post ilang oras bago ng kanyang paglipad, sinabi nitong hindi niya makakalimutan ang Pilipinas.
Saad pa niya, "Last hour in my second home ... Philippines forever in my heart ??
Si Iris, 24, ang kinoronahang ika-65 Miss Universe sa pamosong timpalak na idinaos sa bansa nitong nakaraang January 30.
Read: France is crowned Miss Universe 2016!
Siya rin ang pangalawa lamang na Miss Universe mula France, kasunod ng pagkapanalo nila noong taong 1953.