Ipinagtanggol ni McCoy de Leon ang onscreen partner na si Elisse Joson laban sa isang netizen na nagpu-post ng mapanirang tweets.
Isang netizen, na may Twitter username na @JessicaRacal, ang sunud-sunod na nag-tweet ng masasamang salita laban sa 21-year-old Kapamilya actress.
Ito ang isang tweet ng nasabing netizen: “Hay naku @ElisseJoson kaya ka sguro nagkakaganyan kse lumaki kang walang ama nuh.kaya sabik ka sa lalaki.”
Hindi naman ito pinalampas ni McCoy.
Buwelta ng 22-year-old Hashtags member: “Ako ang unang lalaki na nagmamalasakit sa kanya.
“Kung sino man to magpasalamat ka nalang dahil may ama ka na nagmamalasakit sayo.”
Ako ang unang lalaki na nagmamalasakit sa kanya. Kung sino man to magpasalamat ka nalang dahil may ama ka na nagmamalasakit sayo.
— Marc Carlos De Leon (@hashtag_mccoydl) July 16, 2017
Nag-post din ang Twitter user ng larawan ni McCoy kasama ang isang di kilalang babae.
HAHAHHA @ElisseJoson pano ba yan ? bumabalik na ba sayo ang karma ? Haliparot ka kase ayannn .???????????????? pic.twitter.com/lb9IZaetwj
— Jessica (@JessicaRacal) July 16, 2017
Subalit agad namang ipinagtanggol ng fans ng tambalang McLisse ang dalaga sa pamamagitan ng pag-post din ng larawan kung saan kasama si McCoy at ang di kilalang babae sa isang group photo.
Ayon sa mga sumagot na netizen, ang babae sa larawan ay kaibigan ng Kapamilya actor-dancer.
Hoy babaeng gumagawa nang kwento shut up kanga Jan wala ka sigurong magawa sa buhay mo no kaya bash kanang bash Jan makakarma Karin gagu na???? pic.twitter.com/QcHKAlI5kt
— Mclisse Kire:04 (@KireMclisse) July 16, 2017
Bukod sa pagiging magka-love team, napapabalita ring nililigawan ni McCoy ang co-housemate niya noon sa Pinoy Big Brother" Lucky Season 7 na si Elisse.
Ngunit bago sila naging magkapareha, na-link noon si McCoy sa Girltrends member na si Maris Racal.
Naging magkapareha rin sina McCoy at Maris sa dating teleserye ng ABS-CBN na We Will Survive.
Ito marahil ang dahilan kung bakit may ilang fans si Maris na nagbabato ngayon ng masasamang salita laban kay Elisse.
Gayunman, nilinaw ni Maris na maayos ang relasyon nila ni McCoy.
Sa isang panayam, sabi ni Maris tungkol kay McCoy, “We are friends with good understanding."
Read: Maris Racal reacts to McCoy de Leon's love team with Elisse Joson