Agad na pinabulaan ni Beauty Gonzales ang balitang ikakasal na raw sina Ellen Adarna at John Lloyd Cruz.
Si Beauty ay malapit na kaibigan ng magkasintahan.
Ito ay salungat sa naunang ibinalita ng veteran columnist/talent manager na si Lolit Solis sa kanyang Instagram account noong January 5 na may mga preparasyon nang ginaganap para sa isang beach wedding sa Cebu.
Read: John Lloyd Cruz and Ellen Adarna start wedding prep, says Lolit Solis
Sa panayam ng PEP.ph (Philippine Entertainment Portal) kay Beauty sa nakaraang farewell/thanksgiving presscon ng Pusog Ligaw kagabi, January 6, sa 9501 restaurant sa ELJ building sa ABS-CBN, madiing klinaro ng aktres na walang katotohanan ang lumabas na balita.
Sabi niya, “Di po sila ikakasal, wala pong kasal.
“I don’t need to clarify, 'coz I know if they're gonna get married, they're gonna call us.
“They're gonna tell their friends. Si Joem [Bascon], close sila ni Idan [John Lloyd].
“Ako close ako ni Ellen.
“Alam ko naman sasabihan nila kami, bakit ako tatawag?
“Sabihin pa niya sa akin may anu-anong tumatakbo sa utak ko.
“Sabihin pa nun sa akin, 'Oy, magpahinga ka na, masyado ka nang nagtatrabaho diyan, kung anu-ano ang iniisip mo. Kuwento-kuwento lang yun.'”
HAPPY FOR ELLEN AND LLOYDIE. Sa kabila ng kontrobersiya kina Ellen at John Lloyd, masaya si Beauty sa nakikita niyang kaligayahang natagpuan ng dalawa sa isa’t isa.
Kamakailan nga ay nag-post si Ellen sa kanyang Instagram ng larawan ng kanyang buong pamilya at kasama na rito si John Lloyd.
Lahad niya, “Oo naman, happy ako para sa kanila.
“Deserve nila na maging masaya, deserve mo ring maging masaya, deserve ko rin na maging masaya.
“Kailangan maging masaya tayo, and let’s be kind to everyone.”