Sabay na dumating sina Pia Wurtzbach at Marlon Stockinger sa katatapos lang na 1st ABS-CBN Ball na ginanap kagabi, September 29, sa Makati Shangri-La.
Patunay lamang daw ito na walang katotohanan ang mga lumabas na balita na break na ang magkasintahan.
Sa panayam ng PEP.ph (Philippine Entertainment Portal) at Cinema News kina Pia at Marlon, dito nagbigay pahayag ang 2015 Ms. Universe na wala siyang maalaang interview kamakailan kung saan kinumpirma niya ang nasabing balita.
Paglinaw ni Pia, “C'mon, I never gave an interview where I admitted that we broke up.
“That was actually for a Uniqlo post, which is actually like a post I had for their boyfriend jeans.
“I understand the confusion and I actually talked to Uniqlo after that.
“It was really for the boyfriend jeans.”
Ang tinutukoy ni Pia Wurtzbach ay ang kanyang Instagram post noong August 1 kunsaan nag-post siya sa kanyang caption ng: "No boyfriend? No problem."
Ito marahil ang dahil kaya maraming nag-akalang nag-breakup sila ni Marlon.
Ayon kay Marlon ay wala naman siyang naging reaksyon sa balita dahil nagpaalam pa nga raw sa kanya ang kasintahan tungkol sa pinost nito.
“Actually, Pia asked me 'coz she posted the picture.
“It was for Uniqlo.
“It was great. It was all about having fun,” pahayag ni Marlon.
Dagdag paliwanag pa ng 2015 Ms. Universe, “I actually sent him the picture first and the caption before I posted it.”
TUSSAUDS WAX FIGURE
Si Pia ang kauna-unahang Filipina na nagkaroon ng wax figure sa Madame Tussauds sa Hongkong kung saan may wax figure din ang ilang sikat na international stars na sila Taylor Swift, Jackie Chan at ang Korean superstar at Super Junior member na si Siwon Choi.
Masayang-masaya naman ang beauty queen sa pagkakapili niya.
“It's really such a great honor to be chosen as the first Filipino to have a wax figure in Madame Tussauds.
“I'm really happy 'coz I go there.
“I visited the one in Hongkong and the one in Vegas, and I know how fun it can be, so I'm really excited to be one of the wax figure next time I visit there,” excited na pagkukuwento sa amin ni Pia.
Tinanong din namin si Pia kung may kasunod ba siyang gagawing proyekto pagkatapos ng pelikulang My Perfect You kung saan nakapareha niya si Gerald Anderson.
“Yes, we are working on a project with Star Cinema very soon.
“I can't reveal just yet because it's kind of surprise but there is something in the works,” pagkumpirma ni Pia.
GOLDEN GODDESS LOOK
Takaw pansin din ang tan complexion at ang blonde highlights sa buhok ni Pia.
“You know, I think even as Ms. Universe, I've never done like a bombshelll look or like golden goddess look, that's why I wanted to do it tonight,” pagmamalaki niya.