John Lloyd Cruz and partner Ellen Adarna spend the New Year with their son Elias Modesto and Ellen's family at Tokyo Disneyland.
Sa Tokyo Disneyland nagdiwang ng New Year sina John Lloyd Cruz at Ellen Adarna, kasama ang kanilang anak na si Elias Modesto.
Isang source ng PEP.ph (Philippine Entertainment Portal) ang nagpadala ng ilang larawan nina John Lloyd at Ellen, kasama ang iba pang miyembro ng pamilya ni Ellen, sa kilalang pasyalan sa Japan.
Kinunan ang litrato nina John Lloyd, Ellen, at Elias Modesto kasama ang non-showbiz family members ng aktres, habang nasa background ang Cinderella’s castle.
Sa larawan, nakatakip ang mukha ng anak nina John Lloyd at Ellen na nakasakay sa stroller.
Sa isa pang larawan, makikita sina John Lloyd at Ellen na magkatabi at nakasuot ng matching blue jackets, habang karga-karga ng aktor ang six-month-old son na balot na balot laban sa lamig.
Noong January 7, may ipinadala ring larawan sa PEP.ph kung saan makikita sina John Lloyd at Ellen na masaya kasama ang kanilang anak.
Stories We Are Tracking
COMMENTS