Walang excuse sa pananakit ni Will Smith kay Chris Rock, at sa harap pa ng madla, habang isinasagawa ang 94th Academy Awards.
Read: Oscars 2022: CODA wins Best Picture; Best Actor winner Will Smith slaps Chris Rock on live TV
Ito ang karamihan sa komento ng mga kasamahan nina Will at Chris sa Hollywood.
Umere ang live telecast ng prestihiyosong awards night sa iba-ibang parte ng mundo nitong Lunes ng umaga, March 28, 2022 (Philippine time).
Agaw-eksena ang biglaang paglapit ni Will sa stage para sampalin nang buong puwersa ang comedian na si Chris na presenter sa awards ceremony.
Ilang segundo bago ang insidente, kita sa camera na todo-tawa pa si Will na nakaupo sa front row ng audience. Nasa gawing kaliwa niya ang misis na si Jada Pinkett Smith.
Nakikipagbiruan si Chris kay Will nang humirit si Chris na mala-G.I. Jane ang hitsura ng misis ni Will na si Jada na bald ang hairstyle.
Dito pumitik si Will, na matapos sampalin si Chris, bumalik sa upuan, at saka minura ang comedian nang mangatuwiran si Chris: "It was a G.I. Jane joke."
Ang pelikulang G.I. Jane ay pinagbidahan ni Demi Moore na kalbo ang hairstyle dahil sa role nito bilang sundalo.
Na-offend si Will dahil kaya kalbo ang kanyang misis ay dahil sa health condition nitong alopecia o hair loss.
Natigalgal si Chris, pero idinaan pa rin ng komedyante ang insidente sa biro nang magpatuloy ang show.
Narito ang reaksiyon ng ilang Hollywood stars sa isyu.
Sabi ni Mark Hamill (Star Wars), "Stand-up comics are very adept at handling hecklers. Violent physical assault... not so much. #UgliestOscarMoment_Ever"
Naalarma rin si Rosie O'Donnell (The Rosie O'Donell Show) sa ipinakitang violence ni Will na kinoll-out niyang "sad display of toxic masculinity from a narcissistic madman."
Hindi rin tama para kay Kathy Griffin (My Life on the D-List) na ang isang stand-up comedian ay pisikal na saktan dahil sa biro nito sa stage. Ano na raw ang mensahe nito sa mga manood sa comedy clubs?
Ang TV host na si Conan O'Brien ay humirit: "Just saw the Will Smith slap. Anyone have a late night show I can borrow just for tomorrow?"
Para naman sa isa pang TV host, si Jimmy Kimmel (Jimmy Kimmel Live), sana ay hindi naapektuhan ng "unpleasantness" na naganap sa Oscars ang pagkilala sa mga talentadong artista.
Sabi ni Tommy Chong, "So it wasn't staged and Chris Rock could press charges against Will Smith and probably sue his dumb ass! Wow! So surreal!"
Hindi naman makapaniwala si Pete Zedlacher (American Pie The Naked Mile) kung paanong nakitawa pa si Will sa joke ni Chris bago ito sinapak.
"Entitled child man. Team Chris Rock. Always," saad ni Pete.
Pagtatanggol ni Mia Farrow (Rosemary's Baby) kay Chris, "It was just a joke. Jokes are what Chris Rock does. Always has been edgy..."
Sabi naman ng journalist at ex-wife ni Arnold Schwarzenegger na si Maria Shriver, "#WillSmith says he wants to be a vessel for love. Love is not violent.
"Love is not what was displayed on a global stage tonight.
"We should never get to a place where we sit and watch a movie star hit someone on a global television then, moments later, get a standing ovation while talking about love."
Ang MSNBC political analyst na si Michael Steele ay namangha rin kung paano nakuha pa raw ni Will na gamitin ang "love" para sa kanyang misis para depensahan ang ginawang pananakit kay Chris.
At paano raw nangyaring nabigyan pa ng "standing ovation" si Will nang parangalan ito ng Best Actor Award sa kabila ng insidente.
Saad ni Michael: "There was so much wrong about this moment."
ALOPECIA OF WILL SMITH'S WIFE IS "PUBLIC KNOWLEDGE"
Sa kabilang banda, ang aktres na si Sophia Bush (One Tree Hill) ay naniniwalang parehong may pagkakamali sina Will at Chris.
"Violence isn't ok. Assault is never the answer. Also? This is the 2nd time that Chris has made fun of Jada on the #Oscars stage, & tonight he went after her alopecia.
"Punching down at someone's auto-immune disease is wrong. Doing so on purpose is cruel. They both need a breather."
Ipinaliwanag din ni Sophia na "public knowledge" ang health condition ng misis ni Will.
"She's been open about it since & the Smiths/Rock have a long-overlapping circle.
"Hitting him was not okay. AND his 'joke' was cruel & personal. All of it, awful," dagdag ni Sophia.
