Isang content creator ang nagbigay ng paliwanag tungkol sa controversial review ng American music producer na si Benny Blanco sa products ng kilalang Filipino fast-food chain franchise.
Nitong February 29, 2029, nilait ng boyfriend ng American singer-actress na si Selena Gomez ang ilang Jollibee food products—gaya ng adobo rice, friend chicken, French fries, at spaghetti—na available sa U.S.
Ginamit ni Benny ang mga salitang “tastes like butt,” “soggy as f*ck,” “f*ckin’ vomit,” “limp d*ck,” bilang description niya sa pagkain.
Ipinakita pa talaga sa video na iniluwa niya ang spaghetti.
Read: Selena Gomez's boyfriend Benny Blanco draws ire of Filipinos for this reason
Naging personal ang atakeng ito sa maraming Pilipino, lalo pa at ipinagmamalaking brand ang Jollibee, ang kauna-unahang Pinoy fast-food chain na nagkaroon ng maraming branches sa iba't ibang panig ng mundo.
Ang video ni Benny ay tumabo na ng higit 4.5 million views at press time.
Kasunod ng Jollibee review niya ay sinundan niya ito ng part-two review ng Filipino food na puring-puri naman niya.
Nagduda tuloy ang mga Pinoy sa tunay niyang motibo.
CONTENT CREATORs SPEAK UP in defense of JOLLIBEE
Isa sa mga nagtanggol sa fast-food products at bumatikos kay Benny ay ang Asian-American digital creator na si Ed Choi.
Maiksi lamang ang video reaction ni Ed, pero lohikal ang kanyang depensa sa review ni Benny.
Caption niya sa IG post (published as is): "opinions are different than being disrespectful esp when you ate it when it’s clearly not even fresh anymore and was sitting in its own steam in the box for who knows how long"
Sabi niya sa video, “None of that even looks like it’s even remotely warm. So, no wonder it’s soggy,” ani Ed patukoy sa spaghetti noodles at French fries.
“That’s the reason why I eat and review food in my car immediately after I get it, when it’s fresh, which is when it’s in it’s optimal taste…” ani Ed.
Pagpapatuloy pa ni Ed, “To be honest, it’s not even about the disliking, it was about the disrespect, and then that being your whole personality that’s wild."
Payo ni Ed, “Maybe next time, don’t eat your food like 30 mins after you get it when you know it’s not at its best.”
Isa pang Filipino content creator na nagtatrabaho bilang nurse sa U.S. ang nagbigay ng kanyang pahayag ukol sa isyu.
Sabi ni Nurse John sa kanyang recent TikTok video, “No hate. That’s your opinion, that’s your right.
“But I think what people are saying is the blatant disgust and disrespect that you showed about the food that we Filipino[s] love.”
Binanggit ni Benny sa kanyang video na ang stepmother niya ay isang Pilipino kaya pamilyar siya sa pagkaing Pinoy.
Pero katwiran ni Nurse John, hindi porke’t may stepmother na Pinay si Benny, “doesn’t give you the right as someone who is not in the culture to disrespect something that we love.”
Sinabi rin ng nurse na malalim ang ugat ng fast-food chain brand sa mga Pilipino, lalo na sa OFWs na hangad na maibsan ang pangungulila kapag natitikman nila ito sa ibang bansa.
Read: Student applying for internship allegedly body-shamed; hotel management reacts
@nurse.johnn @benny blanco please don’t hate on him he’s human, he makes mistakes, he can learn from this. This is just an example of what not to do if you’re not part of within a culture. #nursejohnn #jollibee ? original sound - nurse.johnn
Sa mga komento, masidhi ang pagtatanggol ng mga Pilipino sa isyu, pero may ibang banyaga naman na nangangatwirang opinyon naman iyon ni Benny. Hindi ba puwedeng sabihin na hindi gusto ang pagkain? Hindi raw dapat idikta sa ibang tao na gustuhin ang isang pagkain kung hindi ito swak sa kanilang panlasa.
Napakaraming food reviews ng Jollibee sa social media. Magkakaiba rin ang approach. May prangka, may sobrang puri, may mga sumasakay para sa views.
Meron din namang tapat sa pagsasabing hindi nila gusto at hindi pasado sa panlasa nila, pero hindi nila ito sinasabi nang nagmumura o nandidiri dahil ang pagkain ay sumasalamin din sa kultura ng isang lahi.