Walong buwang suspended prison sentence at 40 oras na pag-aaral o klase tungkol sa sexual violence ang mga parusang ipinataw sa Squid Game actor na si Oh Yeong-su.
Ito ay matapos mapatunayang guilty ang veteran South Korean actor sa kasong sexual misconduct na inihain laban sa kanya ng isang aktres noong 2022.
Read: Squid Game actor Oh Young Soo, kinasuhan dahil sa sexual misconduct
Nagsampa ng kaso ang aktres—na hindi pinangalanan para maprotektahan ang pagkatao—dahil sa pagyakap, paghawak sa kamay niya, at paghalik umano ni Oh Yeong-su sa kanyang pisngi noong 2017.
Mahigpit na itinanggi ng 79-year-old Korean actor ang mabibigat na bintang ng aktres.
Pero sa opisyal na pahayag na kanyang inilabas, humingi siya ng paumanhin sa aktres.
“I just held her hand to guide the way around the lake. I apologized because [the person] said she wouldn’t make a fuss about it but it doesn’t mean that I admit the charges,” sabi ni Oh Yeong-su.
Plano ni Oh Yeong-su na iapela ang desisyon ng korte dahil naninindigan siyang inosente sa mga akusasyon ng aktres.
Binigyan ng sexual violence counselling ang aktres noong 2018 pero humingi ng paumanhin mula sa beteranong aktor noong 2021 dahil sa tagumpay ng Squid Game.
Read: Squid Game, napanood na ng 111 million Netflix viewers worldwide
Nakilala nang husto si Oh Yeong-su sa buong mundo nang gampanan niya ang karakter ni Player No. 001 sa Squid Game, na magkakaroon ng pangalawang season ngayong 2024.
Nagwagi siyang best supporting actor sa Golden Globes 2022 dahil sa kanyang mahusay na pagganap sa Squid Game.
Bukod sa napanalunang award sa Golden Globes, tumanggap si Oh Yeong-su ng nominasyon mula sa 74th Primetime Emmy Awards for Outstanding Supporting Actor in a Drama Series para pa rin sa Squid Game.
Read: Emmys 2022: Korean actor Lee Jung-jae wins Best Actor in A Drama Series for Squid Game