Humingi ng paumanhin ang South Korean singer-actress na si Hyeri hinggil sa cryptic post niya sa Instagram na pinag-ugatan ng intriga sa bagong relasyon ngayon ng ex-boyfriend niyang si Ryu Jun Yeol.
Noong Sabado, March 16, 2024, pinag-usapan ang makahulugang Instagram Story ni Hyeri at pag-unfollow nito sa dating nobyo.
Nangyari ito ilang oras matapos kumpirmahin sa publiko ng South Korean actress na si Han So Hee na nobyo na niya si Ryu Jun Yeol.
Sa IG Story ni Hyeri, makikita ang isang nature view, kalakip ang caption na "Funny."
Kahit hindi malinaw kung ano at sino ang kanyang pinatutungkulan, binigyan ito ng ibang kahulugan ng netizens.
Anila, maaari raw na ito ang reaksiyon ni Hyeri sa pagsasapubliko ni Han So Hee sa relasyon nila ni Ryu Jun Yeol.
Read: CONFIRMED: Han So Hee and Ryu Joon Yeol are in a relationship
May ilang akusasyon pang lumutang na, diumano, si Han Soo Hee ang dahilan kung bakit nagkahiwalay sina Hyeri at Ryu Jun Yeol.
HYERI APOLOGIZES
Sa pamamagitan ng isang post sa Instagram ngayong Lunes, March 18, tuluyan nang nagsalita si Hyeri tungkol sa breakup nila ni Ryu Jun Yeol.
Ayon kay Hyeri, hindi naging madali para sa kanyang wakasan ang halos walong taon nilang relasyon ni Ryu Jun Yeol.
Pagtatapat pa niya, may kasunduan sila noon ni Ryu Jun Yeol na pag-uusapan pa nila ang kanilang paghihiwalay ngunit sa kasamaang-palad ay hindi na ito nangyari.
Nadala rin daw siya ng emosyon kung kaya't nabigyan ng ibang kahulugan ang masayang relasyon ngayon nina Ryu Jun Yeol at Han Soo Hee.
Mahihinuha na ang pinapatungkulan dito ni Hyeri ay ang kanyang IG Story.
Gayunpaman, humingi ng paumanhin ang aktres sa lahat ng nag-alala at nadawit sa kontrobersiya sa hiwalayan nila ni Ryu Jun Yeol.
Mababasa sa kanyang post (ayon sa English translation ng Soompi.com):
"Hello. This is Hyeri. First, I sincerely apologize for the speculations and controversies that arose over the past few days due to my personal emotions.
"I think I failed to consider the ripple effects that each of my minor actions could have. I sincerely apologize to anyone who was harmed because of me.
"Last November, the news was released that my eight-year relationship came to an end.
"It was not a decision made in a short period of time, and even after the breakup news came out, we had a conversation about talking more [about our situation].
"However, we have not had any contact or met since that conversation.
And four months later, I think my emotions after coming across a new article were perceived not as actress Lee Hyeri but as just Lee Hyeri.
"I apologize once again for causing harm with my impulsive emotions.
"Over the past few days, I didn’t explain the reason for my actions because I thought that our conversations were overly personal, and it would only increase fatigue [to the public].
"If this caused confusion for anyone, I am also sorry for that.
"Moving forward, I will be more careful with my words and actions. Thank you."
HYERI-RYU JUN YEOL BREAKUP
Noong November 13, 2023, kinumpirma ng kinabibilangang talent agency ni Hyeri na Creative Group ING, at C-JeS Studios naman ni Jun Yeol na break na ang dalawang South Korean stars.
Ito'y matapos nilang isapubliko noong August 2017 ang espesyal nilang relasyon, dalawang taon matapos ang pagsasama nila sa kanilang hit K-drama series na Reply 1988.
Sa Reply 1988, gumanap sila bilang Sung Duk Sun (Hyeri) at Kim Jung Hwan (Jun Yeol). Umere ito mula November 2015 hangang January 2016.
Read: TV series Reply 1988 stars Hyeri, Ryu Jun Yeol confirm breakup