Dalawang male passengers ang nagpalitan ng mga suntok habang nasa himpapawid ang sinakyan nilang eroplano noong May 7, 2024.
Nagpupumiglas ang dalawang lalaki.
Mabilis namang umawat ang tatlong babaeng flight attendants.
Makikita rin na nataranta at naabala ang iba pang pasahero dahil sa bangayan ng dalawang lalaki.
Ang pinag-ugatan ng kanilang away: isang upuan sa eroplano.
Ang rambulan ng dalawang lalaki ay nakunan ng video at naging viral sa social media.
Kuha ang video sa loob ng flight BR-08 ng EVA Air mula Taipei patungong San Franciso, California, USA, noong Mayo 7.
Read:
- Man behind 2015 viral dress pleads guilty to strangling wife
- Stories of 10 single mothers defying the odds
how the two men got into a fight
Sa inilabas na statement ng EVA Air, sinabi nitong nagsimula ang gulo nang lumipat ng upuan ang isang pasahero dahil sa tuluy-tuloy na pag-ubo ng katabi nito.
May nakita itong bakanteng upuan at umupo siya roon.
Pero ang occupant pala ng seat ay pumunta lamang ng restroom. Nang bumalik ito, nakita niyang may nakaupo na sa kanyang seat.
Dito na nagsimula ang away ng dalawang lalaki.
Nang umabot na sa pisikalan, namagitan ang flight attendants na sinikap na paglayuin ang dalawang lalaki na nagsisigawan, nagduduruan, at umaakma ng mga suntok.
Namagitan na rin ang ilang pasahero para maawat ang dalawang nag-aaway.
Isang umaawat na flight attendant pa ang nasikuhan ng isa sa mga lalaking nag-away.
Naawat naman ng dalawang lalaki at pinaglayo sila ng upuan.
Tinatayang higit 11 hours ang tagal ng flight mula Taipei papuntang San Francisco.
Pagdating sa San Francisco, inireport ang dalawa sa pulisya.
Nilinaw rin ng airline na nagpapatupad ito ng “zero-tolerance policy towards incidents of passenger nuisance.”
Pinuri naman ng EVA Air ang tatlong flight attendants nito dahil sa mabilis nilang aksiyon para maresolba ang nangyaring gulo.
Makikitang pumagitna pa ang isa habang inaawat ang dalawang nagsusuntukan. Pinipigilan naman ng dalawa pang flight attendants ang isa sa mga nakikipagsuntukan.