Hindi nagmamadali si Lee Dong Wook, 42, na makahanap ng babaeng iibigin.
Ang South Korean superstar ay kilala sa mga ginampanan at pinagbidahan niyang karakter sa mga K-drama series na gaya ng My Girl (2005-2006), Scent of A Woman (2011), Hotel King at Goblin (2016), Touch Your Hearts (2019), at Tale of the Nine-Tailed (2020).
Hindi lingid sa kaalaman ng lahat na siya ngayon ay nananatiling single.
At gusto naman daw niyang magkaroon ng nobya, pero sa ngayon ay tinatamad pa raw siyang makipag-date at makipagkilala.
Read: Sue Ramirez gets starstruck over Korean actor Lee Dong Wook
Ang rebelasyong ito ni Lee Dong Wook ay nangyari nang mag-guest siya sa YouTube series na Pinggeyo noong Martes, August 13, 2024, kasama sina Chang Hee at Running Man members na sina Yoo Jae Suk at Ji Suk Jin.
Read: Running Man cast amazed by Manny Pacquiao's PHP2.3 billion Forbes Park mansion
Sa YouTube series mapapanood na kumakain ang apat habang nagkukuwentuhan nang biglang nadumihan ang damit na suot ni Ji Suk Jin.
Agad itong napansin ni Lee Dong Wook, kaya’t inabutan niya ng tissue na pangpunas sa narumihang damit ni Ji Suk Jin.
Ang gesture ay ikinatuwa ni Ji Suk Jin kaya tinukso niya na maaaring ganito ka-sweet ang aktor sa kanyang girlfriend.
Sagot ni Lee Dong Wook, “Yeah, I do. I used to stuff like this to my ex-girlfriend all the time.
“But I can't even remember the last time I did that for a girl.”
Lee Dong Wook opens up about dating struggles
Tingin daw ni Lee Dong Wook. hindi niya ito magagawa ngayon dahil hindi naman na siya nakikipag-date.
Bukod sa busy niyang schedule at enjoy siya sa buhay bilang single, parang na-o-overwhelm siya sa mahabang proseso ng pakikipag-date.
Aniya: “I don't think I can even date anyone now.
“It's too much of a hassle.
“You have to get close to someone before you get into a relationship, right?
“There’s a process of getting close to them, like how do I do that? It’s been so long.”
Diretsahang tanong sa kanya ni Yoo Jae Suk: “But do you want to be in a relationship or not?”
Sagot sa kanya ni Lee Dong Wook, “What I mean is, I want to date someone, but I'm too lazy for it.”
LEE DONG WOOK's PAST RELATIONSHIP
Ang South Korean actress-singer na si Bae Suzy ang huling napabalitang girlfriend ni Lee Dong Wook.
Noong March 2018, kinumpirma ng KingKong by Starship, ang kinabibilangang talent agency ni Lee Dong Wook, at ng JYP Entertainment, ang talent agency ni Bae Suzy, na nagkakamabutihan ang dalawa.
Pagkumpirma noon ng KingKong by Starship: "They met at a private, casual gathering.
"They recently started to get to know each other with good intentions and have feelings for each other.
"Because it’s still the beginning and we just learned about it, there’s not much we can say about them dating or being a couple."
Dagdag naman ng JYP Entertainment, "They are currently in the process of getting to know each other."