Nagpakita ng suporta ang American Pop superstar na si Taylor Swift sa kandidatura ni Democratic presidential aspirant na si Kamala Harris.
Si Harris ang kasalukuyang vice-president ng United States of America, na naghahangad umupo bilang presidente kung saka-sakaling madaig niya ang kalabang si Republican presidential aspirant at dating U.S. President Donald Trump.
Nitong Martes, September 10, 2024, nagkaharap sa isang debate sina Harris at Trump para sa 2024 U.S. presidential election na nakatakdang mangyari sa November 2024.
Kabilang sa napagdebatehan nila ang tungkol sa mga isyu katulad ng patuloy na girian ng Israel at Gaza, ekonomiya, foreign policy, immigration, at healthcare.
TAYLOR SWIFT denies rumors she endorses donald trump
Matapos sumalang sa debate, mabilis na nag-post sa Instagram si Taylor para opisyal na ideklarang iniendorso niya si Harris bilang susunod na pangulo ng U.S.
Ayon sa award-winning singer-songwriter, isa siya sa maraming nanood at nag-abang sa debate sa pagitan nina Harris at Trump.
Nakatulong daw ito sa kanya para mas makilatis pa ang iluluklok niyang presidente na may paninindigan, plano, at malasakit sa mga problemang kinahaharap at kakaharapin pa ng kanilang bansa.
Ani Taylor, kalakip ang litrato niyang may hawak at kargang pusa (published as is), "Like many of you, I watched the debate tonight. If you haven’t already, now is a great time to do your research on the issues at hand and the stances these candidates take on the topics that matter to you the most.
"As a voter, I make sure to watch and read everything I can about their proposed policies and plans for this country."
Read: Nanny earns PHP20K per hour as Taylor Swift look-alike
Hindi rin pinalampas na pabulaanan ni Taylor ang kumakalat na litrato niya online kunsaan sinasabi raw na ang iniendorso niya ay si Trump.
Depensa ni Taylor, wala itong katotohanan. Hindi raw siya ang nasa video at pictures na maaaring gawa-gawa lang ng AI o artificial intelligence.
Pahayag ni Taylor, "Recently I was made aware that AI of ‘me’ falsely endorsing Donald Trump’s presidential run was posted to his site. It really conjured up my fears around AI, and the dangers of spreading misinformation.
"It brought me to the conclusion that I need to be very transparent about my actual plans for this election as a voter. The simplest way to combat misinformation is with the truth."
TAYLOR SWIFT ENDORSES KAMALA HARRIS
Ang totoo raw, si Harris at ang running mate nitong si Tim Walz ang natitipuhan niyang suportahan.
Sa kanila raw kasi nakita ng pop superstar ang mga hinahanap niyang katangian sa pagiging isang mabuting lider, maging ang magagandang plataporma at polisiyang nais nilang gawin.
Diin niya: "I will be casting my vote for Kamala Harris and Tim Walz in the 2024 Presidential Election.
"I’m voting for @kamalaharris because she fights for the rights and causes I believe need a warrior to champion them. I think she is a steady-handed, gifted leader and I believe we can accomplish so much more in this country if we are led by calm and not chaos.
"I was so heartened and impressed by her selection of running mate @timwalz, who has been standing up for LGBTQ+ rights, IVF, and a woman’s right to her own body for decades."
Nakiusap at nagpaalala rin si Taylor sa iba pa niyang kagayang botante na siyasating mabuti ang track record ng mga iboboto nilang opisyal.
Aniya, "I’ve done my research, and I’ve made my choice. Your research is all yours to do, and the choice is yours to make. I also want to say, especially to first time voters:
"Remember that in order to vote, you have to be registered! I also find it’s much easier to vote early.
"With love and hope, Taylor Swift Childless Cat Lady."
Read: Duterte, Pacquiao, other celebs react to Donald Trump's win in US presidential election
Ang "Childless Cat Lady" ay nagmula sa kontrobersiyal na pahayag ni JD Vance, ang running mate ni Trump tungkol sa mga babaeng walang anak.
Masasabing mlaking bagay para sa kandidatura ni Harris ang pag-endorso ni Taylor dahil matatawaran ang popularidad at impluwensiya ng singer, na itinuturing na No. 1 best-performing artist sa mundo ngayon.
Bukod kay Taylor, ang iba pang celebrities na nagpahayag ng kanilang suporta kay Harris ay ang singers ding sina John Legend at Olivia Rodrigo, ang aktor na si George Clooney, at direktor na si Spike Lee.
Kabilang naman sa celebrity endorsers ni Trump ay ang dating wrestler na si Hulk Hogan, ang TV star Amber Rose, at ang billionaire Elon Musk.