Trigger warning: This article mentions suicide
Sinisisi ng pamilya ni Kim Sae Ron ang aktor na si Kim Soo Hyun at ang talent management na Gold Medalist sa "emotional distress" ng namayapang aktres.
Ang Gold Medalist ang talent management na itinatag at kinabibilangan ni Kim Soo Hyun.
Si Kim Sae Ron ay bahagi rin noon ng roster of artists ng Gold Medalist, ngunit natanggal siya matapos masangkot sa insidente ng driving under the influence (DUI) noong May 2022.
Nitong Lunes, March 17, 2025, nagpatawag ng press conference ang pamilya ni Kim Sae Ron para magsalita tungkol sa kinakaharap na kontrobersiya ni Kim Soo Hyun.
Ito'y matapos ibunyag ng Garosero Research Institute ang screenshots ng mga ipinadala umanong mensahe ni Kim Sae Ron kay Kim Soo Hyun kaugnay ng loan ng aktres sa Gold Medalist.
Ang Garosero Research Institute ay isang independent media platform sa South Korea na nakilala bilang "whistleblower" o nagbubulgar ng eskandalo sa mundo ng entertainment, business, at politics.
Laman ng mga mensahe ang pakiusap ng aktres sa aktor na bigyan siya ng sapat na panahon upang mabayaran ang pagkakautang.
Nagkakahalaga ng mahigit 686 million won (27.1 million pesos) ang utang ni Kim Sae Ron kay Kim Soo Hyun.
Sinasabing pinadalhan ng Gold Medalist si Kim Sae Ron ng notice na nagsasabing siya ay kakasuhan kapag hindi makakabayad.
Ang utang ay nagsimula nang arestuhin si Kim Sae Ron dahil sa kinasangkutang DUI noong 2022.
Ngunit hindi umano sumagot si Kim Soo Hyun sa pakiusap ni Kim Sae Ron.
Noong March 14, pinabulaanan ng Gold Medalist ang paratang ng Garosero Research Institute.
Read: Kim Soo Hyun denies dating claims with late Kim Sae Ron anew
Depensa nila, ang kaisa-isang notice na natanggap daw noon ni Kim Sae Ron ay parte ng legal process.
Hindi raw ito nangangahulugang siya'y tinatakot para ipakulong ng talent management.
Kinontra ng pamilya ni Kim Sae Ron ang paliwanag ng Gold Medalist.
Ayon sa kampo ni Kim Sae Ron, hindi lang isa ang ipinadalang legal notice ng Gold Medalist sa aktres.
Dalawa raw ito.
Ang ikalawang notice ay may pagbabanta umano kay Kim Sae Ron sa posibleng mangyari kung saka-sakaling hindi mabayaran sa itinakdang deadline ang kanyang pagkakautang.
Sinasabing pinagbawalan din ng Gold Medalist si Kim Sae Ron na makipag-ugnayan kay Kim Soo Hyun dahil sa isyung "breach of trust."
Sa mata ng pamilya, tila ginigipit ng ahensya ang namayapang aktres.
Paniwala ng pamilya ni Kim Sae Ron, ito ang trigger sa "emotional distress" ng aktres.
Sa huli, tinapos ni Kim Sae Ron ang sariling buhay noong February 16, 2025 — na siya ring ika-37 kaarawan ni Kim Soo Hyun.
Read: South Korean actress Kim Sae Ron passes away at 24
Pahayag ng legal counsel ng kampo ni Kim Sae Ron (ayon sa English translation ng Allkpop): "The agency claimed that the first legal notice was merely a formality, but that is not true.
"While sorting through the deceased’s belongings, we (belatedly) found a second legal notice.
"This second notice mentioned that it was sent due to a supposed breach of trust, but in reality, it was essentially demanding that the debt be repaid within a set deadline."
"Towards the end, it explicitly ordered the deceased not to contact Kim Soo Hyun or anyone at Gold Medalist.
"It also contained threats of legal action over the release of intimate photos.
"After this, even other actors from the same agency, who had previously been in contact with the deceased, suddenly cut off communication.
"It is evident that she suffered significant emotional distress before her passing."
Nag-demand din ang kampo ni Kim Sae Ron na maglabas ng public apology si Kim Soo Hyun dahil sa ilang beses na pagsisinungaling nito tungkol sa relasyon nila ng aktres.
Kasalukuyan daw pinag-aaralan ng pamilya ni Kim Sae Ron kung ano ang posibleng maikaso nila kay Kim Soo Hyun at sa Gold Medalist.
Kim Sae Ron’s family files lawsuit vs. YouTuber Lee Jin Ho
Bukod kay Kim Soo Hyun, kinuwestiyon din ng kampo ni Kim Sae Ron ang ibang impormasyong inilabas ng YouTuber na si Lee Jin Ho tungkol sa relasyon ng dalawang K-drama stars.
Si Lee Jin Ho ang nag-cover ng mga inilathalang ulat ng Garosero Research Institute.
Read: Seo Ye Ji denies dating rumors with Kim Soo Hyun
Inalmahan nila ang anila'y paninira kay Kim Sae Ron nang ilabas ng YouTuber ang mga pribadong litrato nina Kim Sae Ron at Kim Soo Hyun nang magkarelasyon pa ang dalawa.
Pinalalabas daw kasing naghabol si Kim Sae Ron kay Kim Soo Hyun.
Ito raw ang naging daan para pag-isipan si Kim Sae Ron na "problematic person."
Paliwanag pa ng kampo ni Kim Sae Ron, kaya nag-post ang aktres ng litrato nila ni Kim Soo Hyun sa Facebook ay dahil ito lang ang naisip niyang paraan para pansinin ng aktor ang hinihingi niyang palugit sa utang niya rito.
Parang pinaslang daw ng YouTuber si Kim Sae Ron dahil sa negatibong imaheng ipininta nito sa dalaga.
Dahil dito, nagdesisyon ang pamilya ni Kim Sae Ron na sampahan ng reklamo si Lee Jin Ho dahil sa kahihiyang ibinigay nito sa yumaong aktres.
Pahayag ng legal counsel ng pamilya ni Kim Sae Ron (ayon sa ulat ng Soompi.com): "Article 250, Paragraph 1 of the Criminal Act stipulates that a person who commits murder shall be punished by death, life imprisonment, or imprisonment for a term of at least five years.
"In our hearts, we wish to file charges under the crime of murder.
"However, as defamation does not fall under the methods of murder according to legal precedents, we regretfully hope that the fact that the deceased’s death is causally linked to YouTuber Lee Jin Ho’s dissemination of false information will be fully reflected in the sentencing, leading to the strictest possible punishment.
"On March 24, 2024, the deceased uploaded a photo of her with her ex Kim Soo Hyun. This was because she had received a certification of contents demanding repayment of debts from Kim Soo Hyun’s agency.
"Hoping that Kim Soo Hyun might not be involved in this matter, she attempted to contact him, but when there was no response, she briefly uploaded the photo, thinking it might prompt him to reach out.
"However, YouTuber Lee Jin Ho, for reasons unknown, not only denied the past romantic relationship between the deceased and Kim Soo Hyun but also spread false information that portrayed the deceased in a negative light, making her appear as an unusual or problematic person.
"This caused the deceased to suffer extreme mental anguish, ultimately driving her to make an irreversible decision.
"In light of this, the bereaved family asks for understanding regarding the necessity of revealing the deceased’s past relationship with Kim Soo Hyun in order to prove the falsehoods spread by YouTuber Lee Jin Ho.
"This also necessitated the disclosure of photos from their past relationship.
"Regarding the investigation, YouTuber Lee Jin Ho has been deleting past videos since the deceased’s passing.
"This is a clear act of evidence destruction, and we urge the authorities to conduct a search and seizure as well as an arrest investigation."
KIM SOO HYUN'S CONTROVERSY
Simula noong March 10, usap-usapan na online ang koneksiyon ni Kim Soo Hyun sa biglaang pagkamatay ni Kim Sae Ron dahil sa pagkakaroon nito ng relasyon sa aktres.
Nagsimula ang usap-usapan nang isiwalat ng Garosero Research Institute ang pagkakaroon ng relasyon ni Kim Soo Hyun kay Kim Sae Ron, na labis na ikinagulat ng publiko.
Read: Kim Soo Hyun faces backlash for dating rumors with Kim Sae Ron
Ayon sa Garosero Research Institute, menor de edad (15) pa lamang noon si Kim Sae Ron nang maging sila ni Kim Soo Hyun, na noon ay 27 anyos. Tumagal raw ng halos anim na taon ang kanilang relasyon, mula 2015 hanggang unang bahagi ng 2022.
Noong una ay mariing pinabulaanan ng kampo ni Kim Soo Hyun na nakarelasyon nito si Kim Sae Ron.
Read: Kim Soo Hyun's agency issues statement on Kim Sae Ron dating rumors
Hindi naman nagpatinag ang Garosero Research Institute at muling naglabas ng mga larawan at iba pa umanong ebidensiya sa relasyon ng dalawa.
Read: Kim Soo Hyun's private photo at Kim Sae Ron's house goes viral
Dito na napaamin ang kampo ni Kim Soo Hyun na nagkarelasyon nga ang aktor kay Kim Sae Ron.
Ngunit kinontra ng kampo ni Kim Soo Hyun ang alegasyong menor de edad si Kim Sae Ron nang maging nobya ito ng aktor.
Nasa hustong gulang na raw si Kim Sae Ron nang makarelasyon sila ni Kim Soo Hyun mula summer (June to August) ng 2019 hanggang autumn (September to November) ng 2020.
Read: Kim Soo Hyun finally admits past relationship with Kim Sae Ron
Isang malaking eskandalo at pagsubok ang kinakaharap ngayon ni Kim Soo Hyun, na naging mitsa para mawalan siya ng product endorsements na milyun-milyong salapi ang halaga.
Bukod dito ay nakansela at na-hold din ang ilang proyekto ng aktor.
