Naglabas ng bagong pahayag ang Miss Universe Organization (MUO) at ang pamilya ni Miss Universe Jamaica 2025 Gabrielle Henry tungkol sa kundisyon nito matapos sumailalim sa iba't ibang medical tests sa ospital.
Naaksidente si Gabrielle habang rumarampa sa preliminary competition ng Miss Universe 2025 na ginanap sa Impact Challenger Hall, Pak Kret, Nonthaburi, Thailand, noong November 19, 2025.
Read: Miss Jamaica, nahulog sa stage sa Miss Universe 2025 prelims
Ayon sa pahayag, nananatiling nasa kritikal na kundisyon ang beauty queen.
Dahil sa aksidente ay nagtamo si Gabrielle ng intracranial hemorrhage, fracture, sugat sa mukha, at iba pang injuries.
Bahagi ng nakasaad sa statement: "She was immediately admitted to intensive care in Bangkok, where she remained in critical condition under constant neurological monitoring, and continues to require 24-hour specialist supervision.
"She will return to Jamaica in the coming days accompanied by a full medical escort team and will be transferred directly to hospital for continued treatment and recovery."
Mula nang maganap ang aksidente hanggang ngayon ay ginawa raw ng organisasyon ang lahat ng kanilang makakaya upang gumaling kaagad si Gabrielle.
Sasagutin din daw nila lahat ng gastusin sa hospital, gamutan, pati na ang rehabilitasyon nito at ang pagkain at tinutuluyan ng kanyang ina at kapatid sa Thailand.
"In addition, the Miss Universe Organization is funding the medically escorted repatriation flight arranged by the hospital and has committed to covering all future medical expenses arising from this incident.
"The Henry family is deeply grateful to the Miss Universe Organization for their unwavering compassion, presence, and love shown.
"Their response so far has gone beyond professional responsibility and reflected devotion and protection of the family."
Pinalagan naman ng MUO ang ilang ulat na lumalabas na ang aksidenteng nangyari kay Gabrielle ay kasalanan ng beauty queen, sabay sabing, "those suggestions are unfounded and do not reflect the facts."
Read: Miss Jamaica Gabrielle Henry, isang linggong mananatili sa ICU
MISS UNIVERSE JAMAICA ORGANIZATION ISSUES STATEMENT
Naglabas din ng statement ang Miss Universe Jamaica Organization.
Umaasa raw silang makakalabas na sa ospital si Gabrielle sa mga susunod na araw.
"Dr. Henry has expressed her optimism and gratitude during this period, noting that she is, 'Eagerly looking forward to my return home and to seeing everyone in the near future.'
"The organization is relieved and heartened by her steady improvement and looks forward to welcoming her home soon."
Nagpasalamat naman sila sa buong tulong kay Gabrielle habang sumailalim ito sa gamutan.
Gayundin sa lahat ng nagdasal para sa kanyang paggaling.
View this post on Instagram
Read: Joshua Zamora responds to rude comment of basher about wife Jopay