Kakaiba ang prenup shoot ng Cebu-based couple na sina Micheal Vincent Cortez at Netfaly Mangubat.
Hindi kasi ito kagaya ng nakagisnang prenup shoot na masaya, makulay, at romantic.
Ang location nila ay sa isang sementeryo sa Bogo City, Cebu. Ang make-up nila ay pang-Halloween.
Sa October 8, 2022 pa ang kasal nila pero nakabalandra na ang katagang “Till death do us part” sa mga shots ng prenup shoot, na may video version din.
Madilim at eerie ang konsepto ng shoot nina Micheal at Netfaly.
Inspired ito ng mga pelikulang Coco, Corpse Bride, at The Nightmare Before Christmas.
Nakakakilabot ang kanilang make-up. Makapanindig balahibo ang kanilang background.
Pero walang dudang agaw-pansin ang bawat frame at snapshot ng magkasintahan suot ang kani-kanilang wedding outfit.
Read also:
- VIRAL: Bride at groom, PHP5K lang ang gastos sa kasal
- Bride in Cebu wears wedding dress her mom wore 40 years ago
- VIRAL: Ang kuwento sa likod ng bridal carabao ni Isabel Mora sa Cagayan
not your ordinary PRENUP SHOOT
Kuwento ni Micheal sa kanyang Facebook post, binubuo ng apat na video series ang kanilang pinag-isipang prenup concept.
Ang four-part series ay hango sa buhay nila bago magkakilala at nang maging magkarelasyon.
Naisakatuparan ng couple ang kanilang konsepto sa tulong ng videographer na si Maki Keel ng Keel Films, photographer na si Alexander Belciña ng Storygraphs, at wedding coordinator na Your Ideal by Cris Mandawe.
Noong August 14, 2022, inilabas ang kanilang first episode na inspired by the South Korean series Squid Games at pinamagatang “The Struggles.”
Paglalarawan dito ni Micheal, “[It’s about] two different individuals, playing our own games in life. Conquering every hurdles that life may bring and we found each other then fell in love in the process.”
Kinabukasan, August 15, inilabas nila ang “Episode 2: The Darkness,” na agad napukaw ng atensiyon ng netizens.
ANG INSPIRASYON SA KAKAIBANG PRENUP SHOOT
Sa isang panayam sa INQUIRER.net, ibinahagi ng magkasintahan ang kuwento sa likod ng kanilang “dark” theme para sa second episode.
Anila, inilahad dito ang mga pinagdaanang “dark days” bago pa man sila maging couple, hanggang sa mga struggles na kanilang pinagdaanan bilang couple sa anim na taon nilang relasyon.
"We have our own skeletons hidden in closets and some shelves. [Together,] we found comfort, and [we both fell in love],” ani Micheal.
“We held each other’s hands even though we are still struggling. The darkness turned into light and even more, more than we are expecting. A love that is never-ending.”
Dagdag ni Micheal, makahulugan ang darkness sa kanilang relasyon.
“This is the part where we died, not literal. Death is when we encountered the dark days of our lives as a couple.
“I lost my job, the struggles that we have in looking for a job to be sufficient.”
Inspirasyon para sa sino mang nagmamahalan kung paanong nagsilbing “liwanag sa dilim” ang isa’t isa.
“Both of us are in the dark place, feeling dead inside, but after that, we found comfort, strength, and guidance from one another and we remove one another from the darkness that we were at.”
Dumaan man sila sa dilim at sinubok man ang kanilang pagsasama, parating na ang mas maliwanag na bukas para kina Micheal at Netfaly ngayong nalalapit na ang kanilang kasal.
Samantala, ilalabas nila ang episodes 3 and 4 ng kanilang pre-wedding films na mangyayari sa mismong araw ng kanilang kasal next month.