Ano ang mararamdaman mo kung sa pamamasyal mo nang mag-isa, biglang may bumati sa iyo kahit wala namang tao sa paligid?
Ito ang nangyari kay Lisa Sandoval, taga-Prince Edward, Canada, nang mamasyal siya at tumambay sa tabing-dagat ilang buwan na ang nakalilipas.
Naglalakad-lakad noon si Lisa nang biglang may bumati sa kanya.
“I heard someone call out to me, ‘Hello! Hello!” lahat ni Lisa sa The Dodo, isang American digital site on animals.
Inakala raw ni Lisa na guni-guni lang niya ang narinig, pero nakaramdam daw siya ng takot.
“I turned around and no one was there. Then I heard the voice again. ‘Hello! Hello!’ I got a little scared, then thought to myself, ‘Am I hearing things?’”
Read: Loyal dog rescued after year-long wait for dead owner outside hospital
Sa pagmamasid niya sa paligid, nakakita siya ng isa pang living thing sa paligid bukod sa kanya.
Isa itong crow—uwak sa Tagalog—na nasa puno.
Para maresolba ang misteryo, muling bumati ng “hello” si Lisa sa ibon.
“And to my shock, he answered me back. ‘Hello! Hello!’”
Ang itim na ibon pala ang naririnig niyang bumabati.
Read: "Malas daw?!” Uwak, ginawang alaga ng isang pamilya sa Pangasinan
Hindi nagtagal, nalaman ni Lisa na hindi lang siya ang nakaranas ng ganitong pangyayari kundi pati mga kapwa niya residente sa lugar.
Bakit nagsasalita ang uwak?
Ayon sa mga kuwento, may isa raw matandang lalaki noon na nakakita ng isang maliit na uwak na may sugat.
Inalagaan raw ito, at kinakausap hanggang sa gumaling.
“He let the crow go free when he was well. That bird had learned to say hello,” pagpapatuloy ni Lisa.
Ilang buwan ang makalipas matapos ang karanasan niyang ito, muling nakita ni Lisa ang ibon na nasa tuktok ng puno.
Kinunan niya ito ng video. Maririnig si Lisa na bumabati sa ibon, na sumasagot naman ng “hello.”
Ayon sa birdfact.com, ang isang uwak ay may kakayahang gumaya ng salita ng tao at maging iba pang tunog tulad ng sasakyan at alarm.
Ayon sa site, “Talented mimics, crows can learn and copy more than 100 different sounds, including human speech, calls of other birds and animals, and even mechanical sounds such as vehicles and alarms.”
Dagdag pa rito: “With repetitive training and exposure, copycat crows do have the ability to mimic any human sounds and words they hear, although it is believed that they have no understanding of the meaning of what they are 'saying.'"