Isang motorista ang nabisto na gumamit ng isang huma n dummy para makalipat sa carpool lane at makaiwasa sa matinding trapik.
Inupo ng motorista ang human dummy sa passenger’s seat ng kanyang kotse.
Yun nga lang, nabisto pa rin siya ng traffic patrol officer.
Nangyari ito sa Santa Fe Springs, California, USA, noong April 24, 2024.
Ipinost ng California Highway Patrol (CHP) sa naturang lugar ang ginawa ng motorista noong April 25.
Kailangan kasi ay dalawa o higit pang pasahero ang sakay sa isang sasakyan para magamit ang carpool lanes sa California at maiwasan ang mahabang pila ng sasakyan sa regular lanes.
Ang lesson dito, ang carpool lanes ay para sa mga tao at hindi para sa mga plastic na tao, literally.
Read: Police department uses Lego heads to cover faces of suspects
NO PLASTICs ALLOWED
Bagamat na-impress ang CHP sa naisip ng motorista, nilinaw nitong violation ang paggamit ng human dummy.
Ang may humor na post ng CHP, “So, folks have been asking, ‘If I have a mannequin in the passenger seat, does that count as a second occupant in the vehicle? Trying to use the carpool lane with no one else in the car!’
“The answer is simple… NO. Like this motorist found out; we’ve gotta give it to them, the appearance is next level modeling but at the end of the day… plastic is plastic.”
Sabi pa sa post, hindi naman talaga napansin ng traffic patrol na isang dummy ang nakaupo sa passenger’s seat.
Hinarang ang motorista dahil sa driving nito.
Pagpapatuloy ng post ng California Highway Patrol, “Officer Kaplan made an enforcement stop on this vehicle for crossing solid double lines only to realize the driver was the only occupant in the vehicle with their plastic friend.”
Sa traffic rule, bawal kasi ang mag-overtake sa double straight lines for safety.
Nang sumilip ang enforcer, napansin nitong kahina-hinala ang “pasaherong” nasa passenger’s seat.
Naka-hoody ito at may suot pang shades.
Sabi ng post, “The goatee was sharp … just a little too sharp.
“The driver was subsequently issued a citation for multiple carpool violations.”
Paalala ng CHP, dapat planuhin nang mas maaga ang pagbibiyahe para hindi matuksong makipagsapalaran.
Sabi rito, “Remember to plan ahead, know your route of travel, and the general challenges of your drive to avoid being in a rush or tempted to push your luck.”
Read: Care to wear pee-stained jeans? They're on sale for PHP34K
NETIZENS’ FUNNY REACTIONS
Nakakatawa naman ang ilang reaction ng netizens sa IG post ng California Highway Patrol.
“Is that Snoop Dogg,” isa lang sa comments na may ganito rin ang konteksto. Kawangis kasi ng dummy ang American rap singer.
“Leave Stevie Wonder alone,” biro ng isa pa.
Makahulugang komento ng isa pa, “I really don’t see a problem here because most people are fake and have lots of plastic on them anyways.”
