Agaw-atensiyon sa social media just recently ang isang police department sa Los Angeles, California, U.S.A., dahil sa paraan nito ng pagpo-post ng mga larawan ng mga crime suspects.
Ini-edit kasi ang mga mukha ng mga suspects at tinatakpan ang mga ito gamit ang building-block toys na Lego.
Sa mga photos na inilabas ng Murrieta Police Department via Facebook, makikita ang larawan ng mga suspek na nakaposas, at may Lego heads na merong iba-ibang emosyon sa bandang ulo.
Tukoy naman ang kasarian ng mga suspek base kung female o male Lego heads ang ginamit.
Read: The last words of a lesbian couple who died by euthanasia
WHY THE POLICE DEPARTMENT USES LEGO HEADS
Sa Facebook post ng police department noong March 18, 2024, ipinaliwanag kung bakit tinatakpan ang mukha ng mga suspect.
Naisabatas kasi sa California noong January 1, 2024 ang pagbabawal sa law enforcement agencies na i-post ang larawan at mugshots ng mga suspek.
Bahagi ng post, “The new law, Assembly Bill 994 & Penal Code 13665, now prohibits law enforcement from sharing suspect photos for nonviolent crimes, unless specified circumstances exist.”
Dagdag pa sa bagong batas, ipinag-uutos ang pagtanggal sa mugshots ng mga suspek sa social media “after 14 days, unless special circumstances exist.”
Sabi pa nito, “The Murrieta Police Department prides itself in its transparency with the community, but also honors everyone's rights & protections as afforded by law; even suspects.
“In order to share what is happening in Murrieta, we chose to cover the faces of suspects to protect their identity while still aligning with the new law.”
Read: Passenger in business class shocked by "vegan meal": a single banana
LEGO REQUESTS TO STOP USING THEIR lego heads
Mukhang nakarating na sa Lego company ang pakulo ng Murrieta Police Department dahil hiniling nito sa law enforcement agency na itigil ang paggamit sa kanilang Lego heads.
Kinumpirma ito mismo ni Murrieta Police Lieutenant Jeremy Durrant nitong Biyernes, March 22, 2024.
“The Lego Group reached out to us and respectfully asked us to refrain from using their intellectual property in our social media content which of course we understand and will comply with,” ayon sa Murrieta Police sa isang pahayag, ulat ng Fox News.
Gayunpaman, nilinaw ni Durrant na dati na nilang tinatakpan ang mukha ng mga suspek gamit ang iba-ibang visual elements, gaya The Grinch, emojis, at Barbie.
Ngayong di na nila magagamit ang Lego heads, ano kaya ang magiging kapalit?