Maniwala kayo o hindi, isang piraso ng feather ng ibon ang isinubasta at nabili ng higit sa isang milyong piso.
To be exact, nabili ito sa record-breaking amount na 46,521 New Zealand dollar (NZD)—na ang katumbas ay $28,400 o PHP1.6 million—sa Webb’s Auction House sa New Zealand noong Lunes, May 20, 2024.
Ang feather ay mula sa huia bird, isang extinct bird sa New Zealand.
Ayon sa auction house, huling namataan ang huia bird noong early 20th century. Umaabot noon sa $5,100 (PHP181,000) ang presyo ng feather nito sa bidding.
Inasahan namang tatabo ito ng $1,830 (PHP65,000) sa recent auction, pero dahil sa taas ng final bid price, ito na ang “world’s most expensive feather ever sold."
Ang rare feather ay mahalagang bahagi ng kasaysayan ng New Zealand kaya ni-require na registered collectors ang bidders.
Kailangan din nila ng ministry permission bago makasali sa ginanap na auction.
Read:
- "Malas daw?!” Uwak, ginawang alaga ng isang pamilya sa Pangasinan
- Chinese crested tern seen again in Manila Bay after 100 years
WHAT THE FEATHER SYMBOLIZES
Ang feather ay reminder din ukol sa banta sa ecosystem.
Sa sobrang tanyag ng huia bird noon, nagkaroon ito ng mataas na value sa mga tao hanggang sa nanganib itong maubos.
Para sa mga Maori—tawag sa indigenous Polynesian people ng mainland New Zealand—ang feather ng huia bird ay marka ng impluwensiya sa tribo.
Sa ulat ng CNN, base sa nakuhang impormasyon mula sa Museum of New Zealand, ginamit itong palamuti sa katawan ng mga katutubo, at maging sa mga ceremonial headdresses.
Bina-barter din ito para sa mahahalagang gamit.
Ayon naman sa Webb’s Auction House, ginagawa itong regalo na sumisimbolo sa pagkakaibigan at respeto.
Bukod sa mga Maori, popular din ang huia birds sa European New Zealanders.
Ang mga na-hunt na Huia birds ay prineserve noon sa pamamagitan ng taxidermy at ginawang palamuti sa bahay ng mga mayayaman.
In the modern times, naging fashion accessories din ang feather, maging ang balat ng pamosong ibon.
Noong 1901, namataan ang Duke and Duchess of York na nakasuot ng mga sombrero na may balahibo ng huia bird.
Pagsapit ng 19th century, maraming Maori people at Europeans ang nangaso ng huia birds kaya naubos ang mga ito.
“People kind of had a frenzy and decided that everyone wanted a huia feather,” ani Leah Morris, head ng decorative arts sa Webb’s Auction House na nasa Auckland.
Tinangka ng mga scientist na sagipin ang mga natitirang huia birds, at dinala sa offshore islands, kung saan hinuli rin sila at ibinenta.
Ayon sa museum, mas nabebenta ang mga patay na huia birds kaysa buhay.
Noong 2023, isang auction ang isinagawa sa United Kingdom at isang pares ng huia birds na prineserve via taxidermy ang nabenta sa halagang $280,000 o PHP9.9 million.