Nagsalita na sa wakas si Nadine Lustre tungkol sa pagkamatay ng kanyang kapatid na si Isaiah Lustre matapos ang halos isa at kalahating taon.
October 7, 2017, natagpuang wala nang buhay si Isaiah sa loob ng kanyang kuwarto sa bahay nila sa may Quezon City.
Siya ay 16 years old lamang noon.
Pinaghihinalaang nag-suicide si Isaiah dahil sa dalawang magkasunod na putok ng baril ang narinig ng dalawa nitong nakababatang kapatid noong gabi ng kanyang pagpanaw.
Ngayon, kaya nang pag-usapan ni Nadine ang tungkol sa pagkawala ng kapatid.
Sa panayam ng 25-year-old actress sa Headstart ni Karen Davila sa ANC ngayong umaga ng March 8, Biyernes, pinag-usapan nila ang tungkol dito at ang naranasang depresyon noon ng aktres.
Paano nakaapekto sa kanya ang biglaang pagkawala ng kapatid?
Saad ng Kapamilya star, “I was completely destroyed when my brother passed away, it was super sudden po kasi.
“I was talking to him the day pa nung before he passed away.
“I was still talking to him, I was even asking him how he was, if he wants to come over, or we can watch movie, or I can take him out.
“So, parang I just felt, like, I’m his big sister.”
Noong nangyari na ang insidente, sinisi raw ni Nadine ang kanyang sarili sa pagpapatiwakal ng kapatid.
“Parang meron, what we call it, parang, I was blaming myself.
“Actually, parang, we are all blaming ourselves.
"Parang, we could have saved him. We could have done something.
"Or sana, I nagged him a bit more to open up to me, you know, all those things.
“Then, I realized din po kasi na, maybe, it was meant to happen.
“Like, you can’t really stop things like that from happening.”
Alam ba niya ang kundisyon ng kanyang kapatid?
Dito na ikinuwento ni Nadine ang mga natuklasan niya tungkol sa malulungkot na sulat at tula ni Isaiah sa kanyang blog noon.
Sabi ng aktres, “Walang nakakaalam kung ano ang tumatakbo sa isipan niya.
“He was really going through a lot based on what he was writing down.
“But he never opened up to us.
“So, I think, the most important thing you can do to a person na merong depression is to talk to him.
“Just always let them know that you have their backs and talk to them all the time and keep them company.
“Like, you know, be a good... I dunno, friend, well, like family.
“You give them advice and you listen, you have to be a very good listener.”
Lingid sa kaalaman ng karamihan, nakaranas din ng depresyon si Nadine ilang taon na ang nakararaan.
Lahad niya, "I think that was around 2015, 2016.
"There was pressure.
"I was really insecure.
"I had a lot of issues with myself.
“I didn't know who I was.
"I was so lost.”
Dahil dito, naisip daw niyang huwag nang bumalik sa Pilipinas galing sa kanilang bakasyon sa ibang bansa.
“And then we went to Korea with my friends, and there was a time na I was thinking na, ‘Parang, I don’t wanna go back anymore.’
“It came to that point.”
Dumating din daw siya sa puntong gusto na niyang wakasan ang kanyang buhay noon.
Ani Nadine, "I never said this to anyone.
“I was also a little bit suicidal before.
“Parang, I can't take it anymore.
“I just wanna, you know, to kill myself.”
Hindi raw nagpakonsulta si Nadine sa isang medical professional tungkol sa kanyang pinagdaanan.
Malaking factor daw ang boyfriend na si James Reid na nalabanan niya ang kanyang paiba-ibang nararamdaman.
Sabi ni Nadine, “But James po talaga really helped.
“It's not just because we were in love.
"He's also going through things.
“Kaming dalawa, nagtulungan kami.”
PAALALA: Para sa mga taong nakararamdam ng depression, tawagan ang mga sumusunod na 24-hour hotlines: (02) 804-4673, 0917 558 4673, at 2919 (free for Globe and TM).