Inamin ni Edward Barber, 18, na may mga tao sa showbiz na inuudyok siyang makipagrelasyon sa ka-love team na si Maymay Entrata, 21, upang mas lalong umangat ang kanyang career.
Subalit pinili ng Kapamilya young actor na huwag magpaimpluwensiya.
Saad niya, “I mean it from the bottom of my heart, this world is so crazy...
"I don't mean living here in the Philippines. I mean, this industry is so crazy.
“If there is one thing I learned sa Bahay ni Kuya is to take things slow.
"So discover lang as we go along, dont rush into things, don't dive in because you might not get out."
Sina Edward at Maymay, aka MayWard, ay parehong housemates sa Pinoy Big Brother: Lucky Season 7 noong 2016.
Pagpapatuloy ni Edward, “I don't wanna think too much kasi ang daming [nagsasabi], 'You guys are a love team, you get together na dapat. Nakakakilig yun. Dun nanggagaling yung pera, bro, promise!'
"Hindi naman ganun, e.
“The best things in the world, the best things you should love, are things that you gain slowly.”
Nakausap ng PEP.ph (Philippine Entertainment Portal) at iba pang reporters si Edward sa presscon ng ongoing Kapamilya weekend teleserye na Hiwaga ng Kambat nitong April 30, Martes.
Natuto rin daw si Edward mula sa mga taong nakikilala niya sa showbiz.
“We know naman very well, from people we see in this industry and outside, from their own experience, e, mas maganda talaga pag nagsisimula bilang kaibigan, e.
“That's when you know people directly, straight to the core.
“Pag relationship, you don't have to be very experienced to know this.
“Of course, you show your best self to them, 'tapos onti-onti lumalabas yung flaws, yung mga perks na hindi mo pa alam.
"So, start from friendship, and we go from there."
Wala pa raw nakarelasyon si Edward, pero nagkaroon siya ng puppy love noong 13-anyos siya.
MAYMAY'S FEELINGS FOR EDWARD
Nagsalita rin si Maymay sa tungkol sa totoong damdamin niya para kay Edward, na kung tawagin niya ay "Dodong."
“Feeling ko, ang ganda-ganda ko po dahil hanggang ngayon po ay nililigawan po ang family ko,” pag-amin ng dalaga.
“At saka mas mabuti po talaga pag mas kilalanin niyo po ang isa't isa, hindi pa po talaga time.”
Prayoridad daw nila ang kanilang pamilya at pangarap.
“Dahil yung totoong magiging official na, darating po yun sa tamang panahon, kapag stable na po ang lahat.
“Ang damdamin ko po kay Dodong ay sobrang feeling thankful po ako na dumating siya sa buhay ko.
"Dahil po siya yung lalaki na consistent po talaga na kapag may gusto siya sa isang babae, kapag sinabi niya hihintayin kita, hihintayin kita."