Ipinagluluksa ng mundo ng beauty pageants ang biglaang pagpanaw ni Miss World Philippines 2012 3rd Princess April Love Jordan.
Pumanaw si April noong Biyernes, June 21, sa edad na 31.
Ayon sa mga ulat, liver cancer ang dahilan ng kanyang kamatayan.
(From left: April Love Jordan, 3rd Princess; Mary Anne Ross Misa, 1st Princess, Queenierich Rehman, Miss World Philippines 2012; Vanessa Claudine Ammann, 2nd Princess; Brenna Cassandra Gamboa, 4th Princess.)
Isa sa labis na nalungkot sa pagpanaw ni April ay si Miss World Philippines 2012 Queenierich Rehman.
Sa kanyang Instagram kagabi, June 24, nagbahagi si Queenierich ng tatlong videos ng masasayang bonding nila ng yumaong ka-batch sa Miss World Philippines 2012.
Madamdaming mensahe niya sa caption: "I'm lost for words April.. I just can't accept that you're gone.
"We won't be able to have these wonderful moments together.
"I know that you're in good place right now and we will truly miss you.
"You've fought hard in life till your very last breath.
"We are truly greatful to have met you and ofcourse being one of your close friends during Miss World Philippines and the years after that.
"We love you and we will miss you so much.”
Nagkomento naman dito si Miss World Philippines 2012 1st Princess Mary Ann Ross Misa ng “crying, depressed, at heartbroken emojis.”
Labis ding ikinalungkot ng dating Miss World Philippines director na si Cory Quirino ang pagpanaw ni April.
Saad niya, “I feel your pain my daughters because my heart goes out to April just as your hearts are broken from her demise.
"Missing her too. We had our time with her.
"And yes, how thankful I am that we had these precious moments with April.
"She is in heaven now where there is no pain.”
Ang isa sa best friends ni April na si Miss Tourism International 2017 Jannie Loudette Alipo-on ay nagsabing sobrang mami-miss niya ang pagiging masayahin at pagiging positibo sa buhay ng yumaong beauty queen.
Mensahe ni Jannie sa kanyang Facebook at Instagram posts kahapon, June 24: “Hi April Love Jordan, hanggang ngayon ayoko pa din tanggapin.
"We’re on our way to see you na [crying emoji].
"Ako ung Laging May problem sa love life and our mothers will tell me, Dapat maging April ka...be like her.. happy and always madam, kaya idol kita.
"Sayang, hindi mo ko maabutan maging madam! the first 2photos that was our first photoshoot together with your bonggang things, that was the first time nakita ko ung dresser mo puno ng MAC, sobrang hilig mo sa make up.
"3rd photo, our last photo together......i hosted your party.
"Sobrang pinilit talaga at advance booking kasi gusto mo ng sobrang happy na Host Lang, I almost cancelled it coz nag overlap Ang isang work.
"And I’m sooo happy I did not cancel it, un na pala ang last na makikita kita....
"I’ll miss your place full of groceries haha you know me, lagi nasa food with take out pa.
"I’ll miss our karaoke at your place. Kahit saan nandun ka, when I competed in Malaysia, you were there too.
"Of course, you were wearing bonggang pink outfit.
"Thank you April... thank you sa groceries and makeups Hahahah for all the beautiful memories, friendship, love...
"I love you ALJ. See you in heaven sister!"
Biro pa ni Jannie, ang hindi niya malilimutang ugali ni April ay ang "pagiging always late" nito.
Aniya, “Hi our Queen Abril, we’re here! Crying and laughing...
"Punong puno ng love ang chapel, dahil puno ng love pinakita at pinaramdam mo samin lahat.
"Our Christmas Parties, reunions, will never be the same.
"We will miss your gifts, your positive vibes, your 'hoy Ano na? Dinner naman tayo', pagiging always late mo, we will miss YOU.
"April “Late” Love Jordan, we love you! from Galatea Family."
Ilan pang kaibigan sa pageant industry ang nagpaabot ng kanilang mensahe sa namayapang beauty queen:
Bago pa man sumali si April sa national beauty pageants, kinoronahan muna siyang Miss Quezon National High School (QNHS) 2002 sa Lucena, Quezon.
Bukod sa Miss World Philippines, sumali rin si April sa Binibining Pilipinas 2009 (Top 10 finalist), Mutya ng Pilipinas 2006 (2nd runner-up), Miss Philippines Earth 2006 (finalist), at International Beauty & Model Festival 2009 (winner).
Si April ay graduate ng Tourism, Hotel and Travel Industry Management sa Pamantasan ng Lungsod ng Maynila (PLM) sa Intramuros, Manila.
Ngayong araw, June 25, nakatakda ang kanyang libing.
Mula sa PEP.ph (Philippine Entertainment Portal), ang amin pong taus-pusong pakikiramay sa mga naiwan ni April.