Masayang-masaya ang Kapamilya actor na si Jerome Ponce na smooth-sailing ang kanilang relasyon ng volleyball player na si Mika Reyes.
Tatlong taon na ang kanilang relasyon bilang magkasintahan.
Mas okay ba para kay Jerome na ang karelasyon niya ay hindi kapareho niyang nasa showbiz?
Bago naging sila ni Mika, ang huling naging girlfriend ni Jerome ay si Elisse Joson, ngunit matagal nila itong itinago sa publiko hanggang sa naghiwalay sila noong unang bahagi ng 2017.
Saad ng 24-year-old actor sa eksklusibong panayam ng PEP.ph (Philippine Entertainment Portal), “Actually, pagdating sa relationship naman, wala naman 'yang ano, e, wala siyang dapat na kailangang ano.
“Minsan, kailangan niyo lang mag-jibe diyan, kailangan mo din lang mag-adjust.
"Kailangan mo lang din minsan mag-connect kahit parehas pa kayong artista, kahit hindi kayo artista, magkaibang propesyon kayo.
“Kung anuman, hindi kayo magkaedad, kung anuman, mas bata, mas matanda, wala, as long as jibe kayo, yun yun.”
Anong klaseng relationship mayroon sila ngayon ni Mika?
Tugon ni Jerome, “Kami? Very normal, sweet, loving, caring, yun.”
Pabirong tanong namin sa aktor kung nagli-live in na ba sila ng kanyang 25-year-old girlfriend.
Natatawang sagot ni Jerome, “Hindi naman!
"May sarili pa kaming… may family siya, may family din ako.
“Kailangan ko pang tapusin yung bahay na binili ko.
"At mga kapatid ko pa. Priorities and... ayun.”