“Marami kaming bagay na hindi napagkakasunduan.”
Ito ang maikling paliwanag ni Sue Ramirez tungkol sa hiwalayan nila ng Boyband PH member na si Joao Constancia.
Kinumpirma ng 23-anyos na aktres na hiwalay na sila ni Joao matapos siyang usisain ni Boy Abunda tungkol sa Instagram posts niya kamakailan tungkol sa moving on.
View this post on InstagramShe is at a place in her life where peace is her priority. ???? . ????: @imjoric
Nag-guest si Sue sa Tonight With Boy Abunda nitong Miyerkules ng gabi, September 4, para i-promote ang pelikula niyang Cuddle Weather.
Kabilang ang Cuddle Weather sa official entries sa Pista ng Pelikulang Pilipino (PPP) 2019, na mapapanood sa September 13-19.
Inamin ni Sue na mahirap para sa kanya ang mag-move on dahil umabot ng dalawang taon ang relasyon nila ni Joao, 22 anyos.
Sinabi ni Sue kay Boy, “Mahirap, siyempre nasanay ka na andiyan yung tao.
“Pero daming differences kasi, Tito Boy,” dagdag ni Sue.
“Marami kaming bagay na hindi napagkakasunduan.
“We really wanted it to work, pero pag hindi po talaga, hindi po talaga,” aniya pa.
Sa kabila nito, sinabi ni Sue na regular pa rin silang nag-uusap at nagkukumustahan ni Joao.
“Yes, Tito Boy, I check up on him just to see if he’s okay, and that’s how he is to me din.
“So, gusto po naming malaman ng mga tao na hindi kami magkagalit.
“Kung makikita niyo po kami na magkausap, or nagko-conversate pa rin kami sa isa’t isa, nagla-like pa rin kami ng mga post ng isa’t isa.
“Yun po ay dahil maayos po ang naging usapan namin.”
Sa pagsilip sa mga Instagram accounts nina Sue at Joao, makikitang hindi pa rin nila binubura ang mga litrato nilang magkasama.
CHANCE OF GETTING BACK TOGETHER
Kasunod ng nasabing pahayag ni Sue, nabanggit ni Boy ang posibilidad na magkakabalikan pa ang aktres at si Joao.
Natigilan si Sue bago sumagot.
“I don’t know, Tito Boy, pero I don’t want to close my doors.”
Sinabi ni Sue na ngayong single na siya uli, mas gusto niyang pagtuunan ng atensiyon ang kanyang sarili.
“Sa ngayon po, unahin ko muna yung sarili ko,” ani Sue.
“I have a tendency of when I’m in a relationship, I’m really, really dedicated to it.
“Na ibinibigay ko buung-buong sarili ko.
“So, this time, masarap lang sa pakiramdam na inuna ko naman yung sarili ko, na ako naman.”
Sa media conference ng Cuddle Weather nitong August 22 unang naungkat ang balitang hiwalay na sina Sue at Joao.
Matatandaang August 8, 2018 nang hindi direktang inamin ni Sue sa PEP.ph (Philippine Entertainment Portal) at sa iba pang reporters ang relasyon niya kay Joao, nang sabihin niyang “unofficially kami.”
Kinumpirma naman ni Joao ang nasabing status nila ni Sue, August 18 ng taong iyon.