“I’m truly happy for them both.”
Ito ang maiksing mensahe na ipinadala ni Joanne Villablanca sa PEP.ph (Philippine Entertainment Portal) ngayong hapon ng Huwebes, September 26.
Ito ay kaugnay ng pag-amin ng ex-boyfriend niyang si Derek Ramsay at ng aktres na si Andrea Torres na opisyal na ang kanilang relasyon.
Magkatambal sina Derek at Andrea sa teleserye ng GMA-7 na The Better Woman, na magtatapos bukas ng gabi, September 27.
Anim na taon ang itinakbo ng relasyon nina Joanne at Derek, kung saan nagsama na rin sila sa iisang bubong.
Ngunit noong June 6, 2019, diretsahang inamin ni Derek sa PEP.ph na tinuldukan na nila ng longtime-partner na si Joanne ang kanilang relasyon.
Sabi noon ni Derek, “Yes, we have broken up. It's all for the best."
Sinegundahan naman ni Joanne ang ex-boyfriend sa kanyang sagot sa PEP.ph tungkol sa hiwalayan.
Pahayag ni Joanne, “Yes, we’re not together na po.
“Sorry, but I’d rather not comment about the break up…”
Marami ang nag-akalang mauuwi na sa kasalan ang relasyon nina Derek at Joanne, ngunit naghiwalay rin sila sa hindi nila inaming kadahilanan.