“We’re really good friends. We go out with friends, we get to know each other, but we’re really good friends.”
Ito ang paglilinaw ni Elisse Joson, 23, hinggil sa estado ng relasyon nila ni Jameson Blake, 22.
Kaibigan at kagrupo ni Jameson sa Hashtags si McCoy de Leon, 24, ang ex-boyfriend ni Elisse.
Ang Hashtags ay ang all-male group na napapanood sa ABS-CBN noontime show na It’s Showtime.
Sa isang interview noong August, sinabi ni McCoy na tinanong sa kanya ni Jameson kung okay lang ba na idine-date ng huli si Elisse.
Pero sa panayam ng entertainment press sa aktres sa Sandugo presscon nitong September 24, Martes, sinabi nitong magkaibigan lang sila ni Jameson.
Ayon kay Elisse, “Hindi naman to court [me], parang siguro bilang kaibigan, bilang magkasama sa isang pamilya ng Showtime, parang nagsabi lang, hindi paalam—ipinaalam for respeto.”
Paliwanag ng aktres, mahirap ang pinagdaanan niya matapos nilang maghiwalay ni McCoy, kaya maingat siya pagdating sa relasyon.
“That was very hard, pero since time has passed, nakatulong din po yun sa paghihilom ng mga sugat.”
Bawal muna siyang mag-boyfriend?
“Hindi naman po sa hindi puwede siyempre, pero nag-uusap din naman kami [ni Jameson], nao-open up namin na, ako, parang gusto ko po muna ng break from heartaches.
“Mahirap ulit ang mga napagdaanan noon, so ngayon po mas careful ako, mas careful ako sa mga taong kinikilala ko.
“Kailangan tingnan mo rin sa lahat ng aspects, hindi lang sa gusto ninyo ang isa’t isa, syempre kailangan makita kung compatible kayo.”
Huli raw silang magkita ni McCoy sa ABS-CBN Ball 2019 noong September 14, pero hindi sila nag-usap.
Wala rin daw silang komunikasyon ni McCoy ngayon.