Nagkasaulian na ba ng kandila ang mag-best friends na sina Bela Padilla at Dani Barretto?
Ito marahil ang tanong ng netizens dahil sa pag-unfollow ng dalawa sa isa’t isa sa Instagram.
Posibleng ang dahilan nito ay ang pakikisimpatiya ni Bela kay Bea Alonzo, na ngayon ay sangkot sa malaking kontrobersiya kasama ang kapatid ni Dani na si Julia Barretto.
Matatandaang nabatikos si Bela dahil sa pagsama niya sa isang get-together ng Kapamilya stars noong July 23 pagkatapos ng trade launch ng ABS-CBN.
Noong panahong yun, pinutakti ng pambabatikos si Julia dahil siya ang itinuturong third party diumano sa hiwalayan nina Bea at Gerald Anderson.
Sa mga larawang ibinahagi ni Angel Locsin sa kanyang Instagram Stories noon, makikitang masayang magkasama sina Angel, Bela, Angelica Panganiban, Paulo Avelino, Ketchup Eusebio, Ivana Alawi, at ang ABS-CBN executive na si Deo Endrinal.
Masy hashtag pa itong "#ParaKayB" na tila pagsuporta nila sa pinagdaraanan ni Bea noon.
BELA FIRST UNFOLLOWED JULIA BARRETTO ON INSTAGRAM
Noong kasagsagan ng isyu kina Julia at Bea, in-unfollow ni Bela ang kapatid ni Dani sa Instagram.
Paliwanag ni Bela noon, “What I’m not uncomfortable with is the insinuation that I unfollowed Julia because of this dinner, because I did not.
“And I actually texted Tita Marjorie and my best friend Dani the day after because it became such a big deal.
“I got so many messages form Julia's fans, which are super hateful.”
Hindi lang naman daw si Julia ang kanyang in-unfollow, kundi may iba pang celebrities, bilang bahagi ng kanyang “Instagram detox.”
Sabi pa niya, “From following 4,000 people, I’m down to 2,000 plus, kasi I’m really trying to stay away as much as I can away from social media...
“I unfollowed several people. It wasn’t just Julia. Even my classmates from high school.
“So, my plan was to go down to zero and then unfollow my close friends, but I never got around to doing it because I got busy.
“So I just want to clarify—I didn’t unfollow Julia because I’m taking sides, because I honestly don’t even know the story of what’s happening to them.”
ALL GOOD WITH DANI
Sa panayam kay Bela ng TV host na si Boy Abunda sa late-night talk show na Tonight With Boy Abunda, noong August 7, nilinaw niyang walang naging problema sa pagkakaibigan nila ni Dani ang pagsama niya sa grupo nina Bea sa gimik nila pagkatapos ng trade launch ng ABS-CBN.
Dito ay ibinahagi ni Bela kung ano ang naging usapan nila ng best friend niyang si Dani, na naiulat na apektado sa matinding pambabatikos sa kapatid na si Julia dahil sa isyu nina Bea at Gerald.
Saad ni Bela, “I felt like I owed people an explanation because Dani sent me the photo of the dinner.
“And I said, ‘Dani, before you react or before you think negatively, it was literally dinner.
"Like, I had to eat because I came from a shoot from Golden Dove and from the trade launch. Literally, di pa ako kumakain the whole day.'”
Nagpaliwanag din daw siya sa ina nina Dani at Julia na si Marjorie Barretto tungkol dito.