Gaya ni Vice Ganda, naging biktima rin ng food poisoning ang kanyang co-host sa It's Showtime na si Amy Perez.
Base sa kanyang social media posts, isinugod si Amy sa ospital noong Miyerkules ng umaga, October 23.
“Wednesday morning i was rushed to the hospital due to vomiting and acute diarrhea.
"Still need to rest and recover. Thanks for all your prayers and support,” tweet ng 50-year-old TV host nitong Huwebes, October 24.
Ngayong Biyernes, October 25, muling nag-tweet si Amy hinggil sa kanyang estado at bigyang linaw ang ilang detalye tungkol sa kanyang pagkakaospital.
Aniya, “The Yoga routine i did last tuesday is not the reason why na hospital po ako.
“Dat is my reg exercise kasabay ng Pilates which is good 4 my back.
“Last Tues.after our performance may nakain po ako that caused d vomitting & diarrhea kaya dinala ako sa hosp.”
Ang tinutukoy na performance ni Amy ay ang presentation ng kanyang grupo para sa "Magpasikat" segment noong Martes, October 22, bilang bahagi ng pagdiriwang ng 10th anniversary ng ABS-CBN noontime show.
Sunud-sunod din ang posts ni Amy sa Instagram Story bilang pagbibigay-update sa kanyang kalagayan.
Sa isang larawan, makikita ang kanyang kamay na may nakakabit na dextrose.
Caption niya: Worst diarrhea I’ve ever had”
Sumunod naman dito ay larawan ng medical devices na mino-monitor ang kanyang kalagayan.
“Need to be hydrated,” caption niya.
Sa isa pang post ay makikita ang holding hands nila ng asawang si Carlo Castillo, na pinasalamatan ni Amy.
Isang araw matapos mag-post ni Vice tungkol sa kanyang food poisoning ay nakapasok na siya sa It’s Showtime kinabukasan, samantalang ngayong Biyernes ay absent pa rin sa noontime show si Amy.