Kasalukuyang nagbabakasyon sa Japan ang It’s Showtime host na si Vice Ganda.
Ito ay base sa kumalat na social media post noong February 11, Martes.
Diretso sa Japan si Vice pagkatapos ng bakasyon nila ng nobyong si Ion Perez sa Amanpulo, Palawan.
Naiwan sa Pilipinas si Ion at balik-trabaho ito sa It’s Showtime.
Sa pamamagitan ng Instagram Stories, ipinarating ni Ion ang pagka-miss niya kay Vice.
Kalakip ang larawan ni Vice na naka-side view at bahagyang natatakpan ng buhok ang mukha, ito ang mensahe ng binata:
“I Miss U!
“Happy Valentine’s! Sa Mahal ko.
“I luv u!
“I love you!
“I lab you!
“I lav you!”
VICE'S VALENTINE MESSAGE FOR ION
Ngayong February 14, mismong Araw ng mga Puso, nag-post naman si Vice sa Instagram ng kanyang mensahe kay Ion.
Saad ng 43-year-old TV host-comedian: “Our love doesn’t have to be the same with yours.
“Every love is unique and special.
“Love is not supposed to be mediocre.
“Happy Valentines Day!!!”
Sinamahan ito ni Vice ng apat na larawan nila ni Ion habang ini-enjoy ang magandang beach sa Amanpulo.
Puno ng heart emojis at kilig ang komento ng mga kaibigang artista ni Vice tulad nina Ryan Bang, Angeline Quinto, Angel Locsin, Loisa Andalio, Richard Juan, at marami pang iba.
Hindi pa malinaw kung kailan magbabalik sa noontime show ng ABS-CBN si Vice.