Hindi napigilang kiligin ng mga nagsidalong miyembro ng media sa event kunsaan ipinakilalang endorser si Matteo Guidicelli, nang magkuwento ang Kapamilya actor tungkol sa kanyang buhay-may asawa.
Sabi ni Matteo: "You know, I just got married and... It's our sixth day together and it's the best days of my life and...
"The best times, kumbaga. We're blessed. We're all blessed.
"Everything's the same, but I just have somebody beside me all the time... Everything's better."
Kahapon, nag-post din si Matteo at kinumpirmang kasal na nga sila ng girlfriend of seven years na si Sarah Geronimo.
Sa post ay ipinahayag ni Matteo na perfect na sana ang kanilang kasal kung hindi lang may kaguluhang nangyari. Pinabulaanan naman niya ang report na nanuntok siya sa reception ng kanyang kasal.
Ayon kasi sa police blotter report ng close-in security ni Sarah na si Jerry Cortes Tamara, sinuntok siya ni Matteo sa lalamunan nang kumprontahin siya ng aktor at sisihin sa biglaang pagpunta ng ina ni Sarah na si Divine Geronimo o Mommy Divine sa reception.