Ikinasal na kahapon, March 7, ang dating Goin’ Bulilit actor na si Carl John Barrameda, 26, sa kanyang fiancée na si Nikolai Cimatu, 26.
Ginanap ang kasalan sa Las Casas Filipinas de Acuzar, Quezon City.
Si Carl ay bahagi ng unang batch ng Goin’ Bulilit na nagsimulang umere sa ABS-CBN mula taong 2005 hanggang 2019.
Labing-apat na taon ang itinakbo ng show sa ere, at nagtapos noong August 4, 2019.
Sa post ng ka-batch ni Carl na si Miles Ocampo sa kanyang Instagram Stories kagabi rin, sinabi niyang si Carl ang unang miyembro ng now-defunct show na ikinasal.
Sabi ni Miles, “1st Bulilit to get married!! Congratulations Nik and kuya @carlbarrameda!! We love you. #SwerteNikCarl.”
Ang post naman ni John Manalo sa kanyang Instagram, “Kakasal ka na dodong.”
Dumalo rin sa kasalan ang mga ka-batch nila sa show na sina Miles, John, Igiboy Flores, CJ Navato, at Alfred Alain.
Noong February 19, 2019 na-engage sina Carl at Nikolai sa Hong Kong.
Pitong taon na ang kanilang relasyon.
Sinabi ni Carl sa eksklusibong panayam ng PEP.ph (Philippine Entertainment Portal) noong February 28, 2019 na sa March 2020 naka-set ang kanilang wedding.
Congrats and best wishes, Carl and Nik!