Ipagpapaliban muna sa ibang petsa ang nakatakdang engrandeng kasalan nina Richard Gutierrez, 36, at Sarah Lahbari, 26.
Gaganapin sana ang kasalan nina Richard at Sarah sa isang high-end hotel sa Bonifacio Global City, Taguig City, sa Sabado, March 14.
Sa pamamagitan ng Instagram ngayong Huwebes ng hapon, March 12—o dalawang araw bago sana ang nakatakdang kasal—inanunsiyo ni Richard ang desisyon nilang ipagpaliban muna ito.
Labis kasing naapektuhan ng epidemya ng COVID-19 ang mass gatherings, hindi lamang sa bansa kundi maging sa buong mundo.
Pahayag ng Kapamilya actor: “As much as we want to celebrate our love with our family and friends, in light of the recent situation we have decided to postpone our wedding as we do not want to put anyone at risk.
“Thank you so much to those who flew in and to everyone who worked so hard for our special day.
“We only wish good health for everyone and we hope to celebrate with you as soon as things get better. Much love, Richard & Sarah.”
Ito rin ang mensaheng ibinahagi ni Sarah sa kanyang Instagram account.
BIG-TIME PRINCIPAL SPONSORS
Ang kasal nina Richard at Sarah ay itinuturing ng iba na "wedding of the year" dahil kabilang sa principal sponsors ang ilang mga bigating pangalan sa pulitika, negosyo, at showbiz.
Ilan sa kanila ay sina President Rodrigo Duterte, at dating mga Pangulong Gloria Macapagal-Arroyo at Joseph Estrada.
Narito ang kumpletong listahan ng principal sponsors sa Richard Gutierrez-Sarah Lahbati wedding:
- President Rodrigo Roa Duterte at Former President Ma. Gloria Macapagal-Arroyo
- Senate President Vicente C. Sotto III aat Mrs. Helen Gamboa Sotto
- Secretary Narciso Santiago, Jr. at Senator Cynthia Villar
- Secretary Salvador S. Panelo at Ma. Rosario Santos Concio
- Senator Emmanuel D. Pacquiao at Mrs. Jinkee J. Pacquiao
- Senator Ronald “Bato” dela Rosa at Mrs. Mariquita S. Yeung
- Congressman Ferdinand Martin G. Romualdez at Congresswoman Yedda Marie K. Romualdez
- Congressman Jesus “Bong” C. Suntay at Mrs. Sheila G. Suntay
- Mayor Richard I. Gomez at Congresswoman Lucy T. Gomez
- Mayor Luis “Chavit” Singson at Mrs. Sharon Cuneta Pangilinan
- Former President Joseph E. Estrada at Mrs. Lily Yu Monteverde
- Mr. Carlo Lopez Katigbak at Mayor Arlene B. Arcillas
- Mr. Mark Lagdameo Lopez at Mrs. Marissa E. Laude
- Atty. Felipe L. Gozon at Mrs. Teresa M. Gozon
- Mr. Vicente del Rosario, Jr. at Ms. Maria Lourdes “Malou” N. Santos
- Mrs. Carlos S. Gonzalez at Mrs. Nenita R. Licaros
- Mr. Kevin Andrew L. Tan at Ms. Lovelyn M. Nuevo
- Dr. Z’Shen “Z” Teo at Dra. Aivee Aguilar Teo
- Mr. Julio A. Ledesma IV at Mrs. Maria Assunta Ledesma
- Mr. Ben L. Chan at Ms. Cory V. Vidanes
- Mr. Jaime G. Baltazar at Mrs. Mary Ann B. Opeña
- Mr. Rajiv Chandiramani at Ms. Alice G. Eduardo
- Mr. Peter G. Coyiuto at Ms. Clavel B. Bendaña
- Mr. Dominic Zapanta at Ms. Cathy O. Valencia
- Mr. Felipe A. Cruz, Jr. at Mrs. Ching C. Cruz
Ilang matataas na opisyal na ng gobyerno ang nag-self quarantine dahil sa exposure nila sa taong nagpositibo sa COVID-19.
Si Bianca Manalo naman ay nag-self quarantine na rin dahil sa exposure ng kanyang boyfriend na si Senator Win Gatchalian.