“AshMatt baby next!”
Ito ang nagkakaisang hiling ng mga fans nina Matteo Guidicelli, 30, at Sarah Geronimo. 31.
Ganito ang naging reaksiyon nila sa one-word comment ni Matteo sa baby news nina Billy Crawford, 37, at Coleen Garcia, 27.
Biyernes, May 1, nang sabay na i-post nina Billy at Coleen sa kani-kanyang Instagram ang tungkol sa pagbubuntis ng actress-TV host sa kanilang panganay.
Limang buwan na ang ipinagbubuntis ni Coleen.
Mahigit dalawang taon nang nagsasama sina Billy at Coleen, na ikinasal noong April 20, 2018.
Kaya naman halata ang excitement ng mag-asawa nang finally ay ianunsiyo nila ang good news, na inilihim nila sa nakalipas na mga buwan.
Bumuhos ang pagbati ng mga celebrities at fans para kina Billy at Coleen.
Sa post ni Billy nag-react ang kaibigan niyang si Matteo.
Comment ni Matteo: “Wooooow!!!”
Maiksi lang ang komento ni Matteo, pero mahaba ang thread ng replies mula sa fans nila ng asawang si Sarah.
Iisa lang ang kanilang hiling: Sana ay magkaanak na rin sina Matteo at Sarah.
MR. AND MRS. GUIDICELLI
February 20, 2020 nang ikinasal sina Sarah at Matteo sa isang pribado at isinikretong Christian ceremony sa Taguig City.
Anim na taong naging magkarelasyon ang dalawa bago nagpakasal.
Nitong March 29, sa Facebook Live chat ni Matteo kay Nico Bolzico ay naitanong ng huli ang tungkol sa posibilidad na buntis na si Sarah.
Si Nico ang Argentine model-businessman na asawa ng actress-visual artist na si Solenn Heussaff.
January 1, 2020 nang isinilang ni Solenn ang panganay nila ni Nico, si Thylane Katana.
MATTEO CURIOUS ABOUT FATHERHOOD
Sa kalagitnaan ng live chat ay kinumusta ni Matteo ang buhay may-asawa ni Nico.
Partikular na inusisa ni Matteo ang tungkol sa pagiging ama ni Nico kay Thylane.
Tanong ni Matteo kay Nico: “What is your strategy to be a really amazing father?"
“You have to teach me,” dagdag niya.
Sagot ni Nico kay Matteo: “Yeah, I’m pretty good at it.
“I think two things: you let them be, you give them freedom to do whatever they love, whatever their passion is.
“Just don’t let any boy get close,” biro ni Nico.
“That’s the only thing. No boys around and the rest... whatever, they can do.”
Kasunod nito, ibinalik ni Nico ang tanong kay Matteo tungkol sa fatherhood.
Tanong ni Nico, may plano raw bang mag-anak si Matteo?
Seryosong sagot ni Matteo. “No, I don’t know… But whatever God gives us something, it would be amazing.”
“AS OF NOW, WE HAVE TO ENJOY EACH OTHER”
Gayunman, binigyang-diin ni Matteo na dahil kakakasal pa lang nila ni Sarah, mas pipiliin niyang makapiling muna nila ang isa’t isa sa ngayon.
“But as of now, we have to enjoy each other because it’s the first time that we’re actually together, after six years.
"So we’re just enjoying.”
Biglang humirit ng follow-up question si Nico: “Are you telling us Sarah is pregnant?
Natatawa todo-tanggi si Matteo, “No. Hahahaha! No. No. Crazy. Crazy. No, no, no!”
Sa huling interview kay Matteo nitong April 29 tungkol sa married life nila ni Sarah, halatang masaya-masaya ngayon ang aktor.
Kuwento ng aktor, inirerekomenda raw niya sa mga kaibigang mag-asawa na rin ang mga ito.
“It’s a blessing and I found my partner, kumbaga," ani Matteo.
"It also makes you learn about yourself so much more," dagdag niya.
Pero ito raw ang pinakaimportanteng bahagi ng buhay may-asawa para kay Matteo: “It’s amazing to wake up, sleep beside the person you love the most.”
(Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika)