Labis na ikinalungkot ni Miss World Philippines (MWP) pageant director Arnold Vegafria ang pagtanggi ni Maureen Montagne na tanggapin ang titulo at korona bilang Miss Eco International 2019.
Ito ay matapos ma-dethrone ang Miss Eco International 2019 na si Suheyn Cipriani ng Peru dahil nagdadalantao ito.
Bilang first runner-up, si Maureen ang inaasahang papalit at magtutuloy ng kanyang reign.
Isa sa mga dahilan kung bakit inayawan ni Maureen angf Miss Eco International 2019 title ay ang commitment niya sa Binibining Pilipinas, bilang isa siya sa mga kandidata sa beauty pageant ngayong taon.
Sa Instagram post niya nitong Martes, June 2, naglabas si Vegafria ng saloobin sa naging desisyon ni Maureen.
Pinanghihinayangan daw ni Vegafria ang mga oportunidad na kaakibat ng pagiging Miss Eco International.
Pahayag niya, “As Miss World Philippines National Director, I am greatly saddened to hear that Miss Eco International 2019 1st Runner-Up Maureen Montagne declined her privilege as the rightful successor of recently dethroned Miss Eco International 2019 Suheyn Cipriani from Peru.
“Being the next in line, she was automatically qualified to wear the prestigious crown which would have brought glory to our country, would have given her the rare opportunity to become United Nations Ambassador for Ecotourism, and possibly would've made pageant history with the country's back-to- back wins for Miss Eco International 2018-2019.”
"CONDUCT UNBECOMING OF A BEAUTY QUEEN"
Ikinadismaya rin daw ni Vegafria ang pagsali ni Maureen sa ibang local pageant nang hindi pormal na nagpaalam sa Miss World Philippines at sa Miss Eco International.
Malinaw raw na paglabag ito sa mga patakaran ng kanilang organisasyon.
Saad ng pageant director, “What disappointed me even more was that she chose to join another local pageant instead—without even according proper courtesy to the Miss World Philippines and Miss Eco International organizations.
“This is a clear violation of the prestigious international pageant's rules and regulations since her tenure has not yet formally ended.”
Ayon kay Vegafria, maaari naman daw tanggapin ni Maureen ang korona at titulo kahit ilang buwan lamang.
Ang ginawa raw ni Maureen ay isang malinaw na “conduct unbecoming of a beauty queen.”
Pahayag ng MWP pageant director, “Based on my dialogue with Miss Eco International founder Dr. Amaal Rezk, Maureen could've still accepted the crown and waited until September when she can formally relinquish her title—but she refused.
“Her conduct unbecoming of pageant queen is a clear deterrent to her loftier aspirations for yet another crown."
Pero dagdag ni Vegafria, “Despite all these, I still send her my blessings and wish her luck in all her future endeavors.”
Sa Egypt gaganapin ang Miss Eco International 2020 ngayong Agosto.
Ang representative ng Pilipinas ay si Kelley Day.
Naurong naman sa hindi pa matukoy na petsa ang Binibining Pilipinas 2020 dahil sa COVID-19 pandemic.
(Isa ka bang showbiz fan na laging updated at naghahanap ng latest chika? Share what you know. Join here!)