Trending sa Twitter si Gabbi Garcia, 21, dahil sa kanyang napakagandang paglalarawan sa relasyon nila ng boyfriend na si Kahlil Ramos, 24.
Tatlong taon na ang relasyon ng dalawa na umamin ukol dito noong July 2018.
Sabi ni Gabbi sa kanyang tweet kagabi, September 15, “Ang saya talaga kapag nasa tamang tao ka.
“Parang everything good follows.”
Dagdag pa ng Kapuso star, wala daw nagpapataasan ng ihi sa kanilang dalawa.
Bagkus, nagtutulungan daw sila upang parehong umangat pataas.
Dagdag niya, “Parehas kayong naghihilahan pataas.
“Alam mong mabuti kayo para sa isa’t isa.
“Wala lang, ang saya lang for the past three years.”
Ayon pa sa singer-actress, wala daw mapagsidlan ang saya niya dahil swak sila ni Khalil sa isa't isa.
Saad pa niya, “Ang sarap sa pakiramdam mag bloom with the right person. Yun lang, goodnight.”
Simpleng "I love you!!!!!!!!!!!" naman ang tugon ng nobyo niyang si Khalil.
NETIZENS REACTIONS
Kinakiligan nang husto ng netizens ang deklarasyon ni Gabbi kung gaano ito kasaya sa piling ni Khalil.
Unang inamin ni Khalil ang tungkol sa relasyon nila ni Gabbi sa panayam nito sa defunct show ng ABS-CBN na Tonight With Boy Abunda noong July 2018.
Ipinaalam daw ng binata sa Kapuso actress ang tungkol dito.
Kuwento ni Khalil, “Yung nangyari nun, tinawagan ko siya nun.
"Ni-brief kasi kami… they were briefing me nga na kakausapin ako about Gabbi.
“And then, I called her on the phone and tinanong ko yung possibility.
“Kasi alam natin na ang daming aminan doon sa Tonight With Boy Abunda...
“For sure, hindi ako makakatanggi kay Tito Boy.
“So, she agreed naman na, 'Huwag mo nang i-deny…'"
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika