Ikinasal na si Dionne Monsanto sa Filipino-Swiss fiancé niyang si Ryan Stalder sa Switzerland kahapon, March 8.
Simula kahapon, binago na rin ng aktres ang Instagram handle niya at ginawang Dionne M. Stalder.
Wala pang post ang 25-year-old Pinoy Big Brother Season 2 housemate.
Pero ang mga kamag-anak at kaibigan ni Ryan ay may mga post na sa kani-kanilang Instagram Stories.
Ni-repost naman ito ni Dionne sa kanyang Instagram.
Sa post ng isang may handle name na @bauer_roger, nakalagay rito: “it’s happening the Wedding of @dionne & @nayr”
Makikita naman sa post ng kapatid ni Ryan na si @vanessastalder ang wedding car nilang isang vintage Volkswagen van.
Sa isa pang post ni Vanessa, makikita naman dito ang magkayakap na bagong kasal.
Sa isa pang ni-repost ni Dionne, winelcome naman siya ni Vanessa sa kanilang pamilya.
Mababasa sa caption: “WELCOME TO OUR FAMILY @DIONNE”
DIONNE ANNOUNCES ENGAGEMENT LAST FEBRUARY 6
Noong February 6, 2021 lamang na-engage si Dionne kay Ryan sa hometown nito sa Kandersteg, Switzerland.
Sa magandang view ng snow-covered alps nag-propose sa kanya ang nobyo.
Sabi ni Dionne sa kanyang Instagram post, "I said, 'Yes! Why’d you take so long?'
"Ryan & I have known each other since my PBB season in 2007.
"Yet we only started dating in 2018—11 years of knowing each other.
"Grateful that we were friends first and that we’ve seen each other grow."
Naniniwala si Dionne na handa na sila ni Ryan sa bagong yugto ng kanilang buhay.
Dagdag niya, "There’s no foundation better than friendship.
"Grateful that the universe gave me the kindest man ever.
"Here’s to forever + 49 years, my love @nayr_redlats [heart emoji]."
View this post on Instagram
Ang PBB housemate ni Dionne na si Mickey Perz, na isa ring Filipino-Swiss, ang nagpakilala sa aktres kay Ryan.
Napanood si Dionne sa kanyang supporting roles sa mga teleseryeng Lobo (2008), Tubig at Langis (2016), at A Soldier's Heart (2020) sa Kapamilya network.
Samantala, si Ryan ay may pag-aaring restaurant-resort sa Siargao.