Nagbigay-pugay si Aljur Abrenica sa asawang si Kylie Padilla ngayong International Women’s Month, buwan ng Marso.
March 8 naman ang International Women’s Day.
Kahapon, March 9, nag-post ang 30-year-old actor ng limang larawan ni Kylie
Caption niya: “Many faces of our Queen (heart emoji) #internationalwomensday”
View this post on Instagram
Walang komento rito si Kylie, pero ikinatuwa ito ng mga tagahanga ng dalawa.
Sabi ng isa, “May God always keep your family intact. stay happy and inlove to each other”
Komento naman ng isang follower, “Thank God I was so worried...Pinagdadasal ko kayo. keep loving and pray for each other.”
Pahayag naman ng isang netizen, “Omg. So happyyy to see her again on your feed.”
Puro “heart” emojis naman ang komento ng karamihan.
Bukod kay Kylie, nagbigay-pugay rin si Aljur sa kanyang inang si Amor Guiang Abrenica.
Nakalagay sa caption ng aktor: “Sa nagaruga at nagpakita sa akin kung ano ang ibig sabihin ng pagmamahal.. #internationalwomensday #AMOR”
View this post on Instagram
KYLIE WEARS HER WEDDING RING AGAIN
Natuwa rin ang followers ni Kylie nang makitang suot na muli nito ang wedding ring nila ni Aljur.
Noong February 21, nag-post si Kylie sa Instagram Stories ng larawan ng kanyang kaliwang kamay. Mapapansing hindi suot dito ng aktres ang kanyang wedding ring.
Sa kanyang Instagram post noong Lunes, March 8, ibinahagi ni Kylie ang dalawa niyang larawang nakangiti.
Walang isinulat sa caption si Kylie kundi “leaf fluttering in wind, avocado” emojis.
View this post on Instagram
Sa comments section, inihayag ng maraming netizens ang kanilang katuwaan sa post ni Kylie.
Sabi ng isang tagahanga, “Wow my heart is so happy suot na ulit ang singsing!!! isa ako sa nag aabang ng update at ayaw ko din na magkahiwalay kau i.like your family at marami ang malulungkot at nalungkot sa nagdaang balita.
"Palage lang tandaan ano man pagsubok ay pwede nmn magpahinga lng at wag magpadala sa bugso ng damdamin.”
Komento naman ng isa pang netizen, “Good that you wear your wedding ring now. Happy that you guys fixed it out”
Huling bahagi ng February 2021, umingay ang usaping nagkakalabuan umano ang pagsasama ng mag-asawa kasunod ng cryptic posts ni Kylie sa kanyang Instagram.
Hanggang ngayon, wala pa rin silang pahayag ukol dito.