Tanggap daw ni Derek Ramsay na mas prayoridad ng kanyang girlfriend na si Ellen Adarna ang anak nito kesa sa kanilang relasyon.
Ayon kay Ellen, mismong si Derek ang nagsabi sa kanyang si Elias dapat ang number one priority niya.
Si Elias, 2, ay anak ni Ellen sa dating karelasyong si John Lloyd Cruz.
Naibahagi nina Ellen at Derek ang kasunduan nilang ito sa interview sa kanila ng celebrity photographer na si Raymund Isaac noong March 6.
Pahayag ni Ellen, “Derek always... he told me from the start na Elias will always be my number one priority. I’m so lucky.”
Kinatigan ito ni Derek. Nauunawaan daw niyang prayoridad ni Ellen ang pagiging ina sa anak nito.
“It’s true. I’m here to love her, to support her, to protect her. That’s her baby boy.
“I’m not an insecure man,” sabi ng aktor.
Nagbiro pa si Derek na ang hindi lang pwede ay magkaroon ng ibang lalaki si Ellen.
Hirit ng aktres, “Nanigurado din siya na hindi na ako titingin sa iba.”
Ibinida rin ni Derek na alam nila ni Ellen kung kailan dapat bigyan ng space ang isa’t isa.
Saad ng aktor, “When she’s playing with Elias, I give their time. I think that’s very important.”
Idinagdag ni Derek na naglalaan din siya ng quality time kasama si Elias.
“I play with Elias always, all the time. He gets along with me.
“He’s a really good kid, a very smart kid.”
Pinatotohanan naman ito ni Ellen.
Si Derek ay isa na ring ama. Anak niya ang 17 anyos na si Austin sa kanyang dating asawa na si Mary Christine Jolly.
THE "M" WORD
Samantala, naibida rin ni Derek na malaya nilang napag-uusapan ni Ellen ang tungkol sa kanilang mga dating karelasyon at pati na rin ang kasal.
Bago raw ito ay hindi kumportable si Derek na pag-usapan ang tungkol sa kasal dahil sa kanyang failed relationships.
“Ganun talaga ang mindset namin. Ako, I was afraid, I wouldn’t really put my mind to using the ‘M’ word,” pagtukoy niya sa marriage.
“I wasn’t 100 percent comfortable talking about it.”
Pero nilinaw ni Derek na nasa isip niya ang pagpapakasal.
“And so using that M word, that was really sensitive topic for me.
“But it’s funny, with Ellen and I, with our exes, we really… we don’t ask each other about our exes.
“We just casually actually talk about them, and that’s how we learn.
“We learn from each other without even asking questions. And that’s what I like and there’s no one so sensitive about it.
“With regards to the M word, we both laugh about it because we’re, like, ‘Holy shit!’
“Before, when you mention that word, it’s like, ‘Okay, guards up. I’m out.’”
Pero sa relasyon nila ni Ellen, hindi raw sila naiilang na pag-usapan ito.
Sa isang punto ng interview, tinanong ni Raymund sina Ellen at Derek kung ano ang ginawa nila sa kanilang relasyon ngayon na hindi nila nagawa sa mga dating karelasyon.
Nagkatitigan lamang sina Ellen at Derek at hinimok na maghintay na lang.
Mabilis na nakuha ni Raymund ang ibig sabihin ng magkasintahan dahil matagal na raw niyang kaibigan ang mga ito.
Binati ni Raymund ang dalawa at sinabing masaya ito para sa kanila.
Samantala, sa ilang recent interviews ay nabanggit ni Derek ang pagnanais niyang magkaroon na ng pamilya.
May mga usap-usapin ding nasa isip na ng dalawa ang pagpapakasal.