Itinanghal na Miss Grand International 2020 first runner-up si Samantha Bernardo, 28, sa katatapos lamang na annual international pageant.
Isang karangalan ang nakuha ni Samantha sa pagkakahirang sa kanya bilang first runner-up.
Naging mailap pa rin ang nasabing korona dahil wala pang Pilipinang nakakasungkit ng titulo.
Si Abena Appiah ng U.S. ang itinanghal na Miss Grand International 2020 winner.
Si Miss Grand International 2019 Valentina Figuera ng Venezuela ang nagpasa ng korona kay Abena.
Ginanap ang pageant sa Show DC Hall sa Bangkok, Thailand, Sabado ng gabi, March 27.
Animnapu’t tatlong kandidata mula sa iba’t ibang bansa ang lumahok at sumabak sa annual pageant.
Ngunit sa huli, ang limang natira sa entablado kung saan pipiliin ang Miss Grand International winner ay ang mga kandidata mula Guatemala, Brazil, Philippines, Indonesia, at U.S.
Fourth runner-up si Miss Grand Brazil at third runner-up si Miss Grand Indonesia.
Matapos ideklara ang third runner-up, biglang huminto ang host na si Matthew Deane at inanunsiyong nag-tie ang scores nina Samantha, U.S., at Guatemala (Ivana Batchelor).
Dahil dito, isa pang question-and-answer portion ang napagdesisyunan.
Ang tanong: Kung may isang dose na lang ng COVID-19 ang natitira, kanino ito ibibigay: sa 15-anyos na bata o sa senior citizen na 70-anyos.
Ito ang sagot ni U.S.: “I would choose to give it to the sixteen-year-old, only because I believe that children are the future.
“They are going to make the world a better place. They are the ones that are gonna set examples to the future generation.
“And I believe that I will give it to the sixteen-year-old because I want the sixteen-year-old to have a better future in life.
“I believe that they are going to change our world. We need to change our world.”
Sumunod na tinawag si Sam.
Sagot ng pambato ng Pilipinas: “My heart goes to senior citizen because my mom is turning senior citizen.
“And I’ve experienced the loss of my dad four years ago, and I cannot afford to lose my mom.
“My heart goes to them because they are the most vulnerable during this time.
“A fifteen-year-old has the stamina to fight the COVID-19 pandemic and with proper exercise and healthy living, they can live with it.
“I know as well that every citizen here will choose and never afford to lose their parents, and so, I choose senior citizen.”
Gaya ng U.S., pinili rin ni Guatemala ang fifteen-year-old kesa sa senior citizen.
Idineklarang second runner-up si Guatemala.
Sa makapigil-hiningang announcement sa winner, wagi si U.S.
Hindi pa rin nagawang masungkit ng Pilipinas ang mailap pa rin title.
(The winners: L-R Aurra Kharishma of Indonesia (third runner-up); Samantha Bernardo of the Philippines, (first runner-up); Abena Appiah of U.S.A. (Miss Grand International 2020); Ivana Batchelor of Guatemala (second runner-up), and Lala Guedes of Brazil (fourth runner-up).
Ang dalawa pang Philippine candidates na nag-place sa annual beauty pageant noon ay sina Nicole Cordoves (first runner-up, 2016) at Elizabeth Clenci (second runner-up, 2017)
Samantala, ang Top 20 ng batch ngayon ay ang mga kandidata mula sa Cambodia, Guatemala, Mexico, Thailand, Peru, Japan, El Salvador, Panama, Vietnam, USA, Dominican Republic, Czech Republic, Philippines, Puerto, Rico, Indonesia, Myanmar, Argentina, Brazil, England, at Kenya.
Umabot naman sa Top 10 sina Czech Republic, Puerto Rico, USA, Guatemala, Thailand, Argentina, Brazil, Indonesia, Philippines, at Malaysia (due to popular vote).