Kinuwestiyon ng isang netizen kung bakit panay raw ang biyahe ni Alice Dixson, 51, gayong laganap ang pandemya.
Ito ay matapos na mag-promote ni Alice ng kanyang gagawing YouTube vlog kunsaan ipapakita raw niya kung paano ang sistema ng domestic and international travels sa North America.
Sabi sa Instagram caption ni Alice noong April 16, "More on my vlog... how to travel domestic & international within N. America with all these travel restrictions; coming up next on my Youtube."
Kalakip nito ang video ni Alice na nagmamaneho ng kotse nang siya ay palabas ng Canadian border para makatawid sa U.S. border.
Sabi ni Alice sa video, "Okay so we're all packed and ready to cross the border into the United States. I have all of my documentation and requirements. So wish us luck.
"Just passed the Canadian Border Control. And here's the Peace Bridge heading back to the U.S."
Nang makatawid ng Peace Bridge, dumating si Alice sa U.S. Border Control kaya pinatay niya muna ang camera dahil bawal kunan ang Immigration Officer.
Matapos ang "10-15 minutes" ay nakatawid na siya ng U.S. Border Control.
Ani Alice, "Okay guys so that was it. My entry into the United States. I am entering now Buffalo, New York.
NETIZEN ASKS ALICE TO STAY AT HOME
Sa comments section, isang netizen na mula sa Australia ang nagpaalala na sana ay huwag magbiyahe nang magbiyahe si Alice para raw makatulong ito sa pagpigil ng pandemya.
Sabi ng netizen (published as is): "How do you even travel? We have no community transfer here in Australia, nobody has Covid. They have closed all our borders. We can't even move.
"People should stop travelling so Covid can go away soon, this is the reason why the world is infected because people don't remain where they are..
"please stop travelling."
Nanindigan si Alice na essential travel ang ginawa niyang pagpunta ng Canada pabalik ng U.S.
Katuwiran ni Alice (published as is): "Some people are very narrow minded.Especially those who judge the actions of others without having any real sense of understanding.
"My travels are of necessity - not of desire.
"Likewise I take responsibility and precaution.
"So instead of telling me what I should do, I suggest you tend to your own thoughts & life.
"Respectfully x."
May isa namang U.S. citizen ang humingi ng payo kay Alice kung pinapayagan na bang magbiyahe papuntang Canada ang turista.
Sagot ni Alice, "The Canadian border is closed to nonessential travel."
Ang iba pang followers ni Alice ay nagtanong kung kumukuha ba ng video si Alice gamit ang isang kamay habang nagmamaneho ng sasakyan.
Napansin daw kasi nilang nagpa-pan ang camera ni Alice nang ipakita ng aktres ang pagtawid niya sa U.S. border.
Katuwiran ni Alice, "I have it mounted on my center console next to me para hands free & safe."
ALICE bonds WITH baby at niagara falls
Sa hiwalay na Instagram post noong April 17, ipinakita naman ni Alice ang video niya kasama ang newborn baby niya na tinatawag niyang "Baby A."
Sandaling bumisita ang mag-ina sa Niagara Falls, isang popular na tourist destination na nasa border ng Ontario, Canada at New York.
Memorable daw para kay Alice ang lugar dahil ipinasyal daw siya roon ng kanyang ama noong bata pa ang aktres.
Bahagi ng post ni Alice: "Everything about this place is, magical, good memories, constant movement, water, energy. Life symbolisms.
"I guess that’s why I was compelled to return, even for just a short while, to take in the fresh invigorating air, a picture and honor my dad and the dreams he must have had for me at the time.
"I look forward to tell that story of grandma & grandpa to Baby A someday & a proper visit during better times!
"BTW wala nmn sya talaga sa kumot kundi sa stroller, hahah
"Beauty from both sides. #Niagra"
Kasalukuyang nasa U.S. si Alice para sunduin ang kanyang newborn baby.
Noong April 2, ibinalita ni Alice na mayroon siyang sanggol na anak sa pamamagitan ng surrogacy.
Nakatakdang iuwi ni Alice ang kanyang anak pabalik ng Pilipinas.
Habang nasa U.S. ay nagkaroon din ng pagkakataon si Alice na bisitahin ang kapatid at ibang kapamilya.
Doon na rin nakakuha si Alice ng first shot ng COVID-19 vaccine.
Also, you can use these Klook promo codes when you shop or order online. Marami pang ibang coupons dito.