Isang matalinghagang mensahe ang ibinahagi ni Alwyn Uytingco sa kanyang Instagram kahapon, April 18.
Tungkol ito sa paglalakbay sa buhay ng isang tao.
Sabi ng 33-year-old actor, “Sa paglalakbay ng buhay, may paakyat.. may pababa.
“May pa-diretso, may pa-liko. May patag, may lubak. May payapang pag-agos ng alon, may malakas na kulog at kidlat ng kalangitan.”
Pero naniniwala raw siyang kahit malubak o patag man ang dinaanan mo sa paglalakbay sa buhay, ang mahalaga ay may magandang bukas na ilalaan ang Diyos para sa lahat.
Saad pa niya, “Ano man ang ibigay sayo ng buhay. Wag mong bibitawan ang mga salitang ‘ok lang, may bukas’. Pumikit. Huminga. Lumaban ulit.”
View this post on Instagram
Sa kanyang Instagram Stories, nagbahagi rin si Alwyn ng mensahe tungkol sa “healing.”
Mababasa sa kanyang post: “The soul usually knows how to heal itself. The challenge is to silence the mind.”
Halaw ito sa isinulat ng American author na si Caroline Myss.
“OK LANG… MAY BUKAS PA.”
Sa isa pang post ni Alwyn na kuha pa rin sa beach, mababanaag sa isang larawan na tila malayo ang kanyang tingin.
Caption niya rito, “Ok lang.. may bukas pa”
View this post on Instagram
Isa namang netizen ang nagkomento sa post na ito ng aktor.
Sabi ng nasabing netizen, “Sadboi post again hahahaha”
“Loudly crying face emoji” lamang ang tugon ni Alwyn sa kanya.
Sabi pa ng isang follower, dapat daw magpakalalaki si Alwyn para sa asawang si Jennica Garcia at sa dalawa nilang anak dahil positibo diumano sa COVID-19 virus ang mga ito.
Aniya, “I hope God opens your eyes and mind.
"Your wife and kids have tested positive sa COVID. perhaps you do your job to be the man that you are and take care of them.
"Stop being ‘lost.’ It might be too late when you disregard what is happening to them.”
Narito ang iba pang payo kay Alwyn mula sa kanyang followers:
Ikinasal sina Alwyn at Jennica sa isang secret wedding noong February 12, 2014.
Mayroon silang dalawang anak na babae.
Nitong nakaraang Marso, umugong ang balitang hiwalayan ng dalawa matapos burahin ni Jennica ang pictures ng asawa sa kanyang Instagram.