Matapang na naghayag ng kanyang saloobin sa Instagram ang aktres na si Angelica Panganiban kaugnay ng unang anibersaryo mula nang magpaalam sa free TV ang ABS-CBN Corporation at lahat ng regional affiliates nito.
May 5, 2020, eksaktong alas-7:52 ng gabi, naging black ang TV monitors ng mga kabayahang nakatutok sa ABS-CBN.
Bunsod ito ng Cease and Desist Order (CDO) na inilabas ng National Telecommunications Commission (NTC) matapos mapaso ang kanilang prangkisa.
Pati ang radio operations ay kasabay ring namaalam sa ere.
Sa post ni Angelica, sinabi nitong “binusalan” at “pinatayan” ng kabuhayan ang mga taong nagtatrabaho sa istasyon dahil sa pamamaalam sa ere ng network.
Nasa mahigit 11,000 ang talents at empleyado ng ABS-CBN noong ito ay nagsara.
Buong post ni Angelica: “Isang taon na. Binusalan at pinatayan ng kabuhayan. Hindi kami makakalimot.”
View this post on Instagram
FIRST ANNIVERSARY
Dahil sa anibersaryo ng pamamaalam ng network sa free TV, naging trending topic sa Twitter ang #IbalikAngABSCBN.
Inilabas din ng ABS-CBN ngayong araw ang artcard na may nakasulat na: “ANDITO KAMI PARA SA ‘YO”
May kulay itong pula, berde, at bughaw: ang mga kulay ng logo ng ABS-CBN.
Ibinahagi naman ito ng ilang Kapamilya stars sa Instagram:
Melai Cantiveros
View this post on Instagram
Regine Velasquez
View this post on Instagram
Ogie Alcasid
View this post on Instagram
Angeline Quinto
View this post on Instagram
Kahit hindi na Kapamilya, malaki naman ang utang na loob ni Pokwang sa network.
Ito kasi ang naghubog sa kanyang talento mula noon.
Mensahe niya sa kanyang post sa Instagram, "Maraming salamat @abscbn saan man ako mapunta, saan man ang tahakin ng aking panibagong yugto bilang artista, bukod sa Dios habang buhay kong ipagpapasalamat sa iyo ang anumang meron ako at ang malaking pagbabago sa buhay ko at ng pamilya ko #isangTaonnaABSCBNShutdown"
View this post on Instagram
Sa ngayon, mapapanood ang ilang programa ng ABS-CBN sa A2Z Channel 11, TV5, Kapamilya Channel, Kapamilya Online Live, Cinemo, Jeepney TV, iWantTFC, WeTV, iflix, at TFC.