Nilaglag ba ni Miss Universe 2018 Catriona Gray ang pambato ng Pilipinas sa Miss Universe 2020 na si Rabiya Mateo?
Ito marahil ang tanong ng maraming Pinoy pageant fans matapos mabasa ang tweet ni Catriona ngayong Biyernes, May 14, habang idinadaos ang National Costume competition ng Miss Universe 2020 sa Florida, U.S.A.
Tila hindi pumasok sa panlasa ni Catriona ang Philippine-flag-inspired national costume ni Rabiya. Gawa ito ng namayapang fashion designer na si Rocky Gathercole para sa National Costume competition ng 69th Miss Universe.
Ang Top 6 ni Catriona para sa National Costume ay ang mga kandidata mula sa Indonesia, Nepal, Peru, Thailand, Ukraine, at Vietnam.
Tanong pa niya: Who were yours?”
Dahil sa tweet niyang ito, naging trending topic sa Twitter ang ikaapat na Miss Universe ng Pilipinas sa Twitter.
MIXED REACTIONS
Hati ang naging opinyon ng netizens.
May mga nagsabing opinyon ito ni Catriona at entitled siyang maghayag ng kanyang napupusuan.
Ang iba naman ay nagsasabing sana raw ay nagpakita pa rin siya ng suporta sa kandidata ng Pilipinas.
Nirerespeto naman daw ni Catriona ang mga batikos laban sa kanya.
Sabi niya sa isang tweet: "That's okay were all entitled to our own opinions."
“NOT BASED ON THE CANDIDTATES’ PERFORMANCE”
Dahil sa magkakaibang opinyon, nilinaw ni Catriona na ang kanyang basehan sa napili niyang Top 6 sa National Costume ay kanyang personal na paborito.
Ito raw ang isa sa paborito niyang bahagi ng timpalak.
Sabi ni Catriona, “My best in National Costume picks are my favorite National Costumes, not based on the candidates performance. I love the celebration of culture and a country's expression of identity which is why its one of my favorite segments! @MissUniverse”
Sa kanya namang Instagram Stories ngayong araw rin, pinuri niya ang dedikasyong ipinakita ni Rabiya sa National Costume competition.
Lagpas dalawampung kilo kasi ang bigat ng national costume ni Rabiya. Dahil nagkasugat-sugat na siya, hindi na nito nasuot pa ang sun-inspired headpiece.
Sabi ni Catriona, "20++ KGS BUT @RABIYAMATEO CARRIED IT WITH SUCH STRENGHT.
"IF THIS IS AN INSIGHT TO HER LEVEL OF PERFORMANCE, SO EXCITED FOR PRELIMS!"
Gaganapin ang grand coronation ng Miss Universe 2020 sa May 16, 2021 (May 17 sa Pilipinas) sa Seminole Hard Rock & Casino sa Hollywood, Flordida.