Hindi napigilan ng netizens na ikumpara ang hosting styles ng Filipino TV host-actress na si KC Concepcion at si Miss Universe 2012 Olivia Culpo.
Si Olivia ang napiling host, kasama si Mario Lopez, sa ika-69 edisyon ng Miss Universe na idinaos kahapon, May 17 (May 16 sa Amerika).
Trending sa social media si Olivia dahil sa kakulangan niya ng energy sa paghu-host.
Sa kanyang Twitter account kahapon, naghayag si KC ng interes makapag-host ng Miss Universe pageant balang araw.
Dalawang beses nang nagsilbing host ng Binibining Pilipinas si KC.
Sabi ni KC sa kanyang followers, “Ano kaya kung makapag host din ako ng #MissUniverse? Ang saya siguro no?
"Naka ready na naman ang custom made 8-inch heels ko na pinagawa ko for the 2 times na nag pageant host ako for BINIBINING PILIPINAS”
Komento ng isa niyang follower, “Sana nga ikaw nalang. Kesa ke olivia”
Sagot ng isang netizen, “You’d do a better job than Mario Lopez AND Olivia Culpo.”
“Goo KC you're a lot better than Olivia wala syang kalatoy latoy,” panghihikayat naman ng isa pang netizen.
Narito ang iba pang reaksiyon ng followers ni KC:
“HIGHLIGHT ACHIEVEMENTS”
Isa si KC sa masugid na nakasuporta kay Rabiya Mateo sa kanyang laban sa Miss Universe 2020 kahapon.
Bago ang grand coronation, nag-tweet na si KC ng kanyang good-luck message para sa kandidata ng Pilipinas.
Saad ni KC sa kanyang tweet, “Mabuhay ang Filipina! Keep shining, Rabiya! #MissUniverse”
Dagdag pa niya, “Keep shining bright, Rabiya! Sending you all our love! #MissUniverse”
Kahit hanggang Top 21 lamang si Rabiya, nakasuporta pa rin si KC sa ating pambato.
Saad niya, "Mabuhay ang Filipina! Keep shining, Rabiya!"
Sa isa pa niyang tweet, nagpahiwatig si KC na ikinalungkot niya ang paggamit ng salitang “failed” kapag ang isang kandidata ay natalo sa pageant.
Bakit hindi na lang daw i-highlight ang accomplishments nito.
Aniya, “Nasasad ako pag sinabing a beauty queen “failed” to reach top spots sa competition.
“A beauty queen still ‘achieves’ so many dreams on her #MissUniverse journey! Why not highlight achievements rather than failures?”
Use these GrabFood promo codes when you shop or order online. Marami pang ibang coupons dito.