Nangungulila kaagad si Miss Universe Japan Aisha Harumi Tochigi sa roommate niyang si Miss Universe Philippines Rabiya Mateo.
Nagkasama ang dalawa ng halos dalawang linggo sa Seminole Hard Rock Hotel & Casino sa Hollywood, Florida, habang sumasabak sila sa Miss Universe 2020.
Sa kanyang Instagram kahapon, May 20, inihayag ni Aisha ang kanyang pagka-miss kay Rabiya.
Mensahe ni Miss Japan, “I feel weird when I come back to the room and I don’t see you @rabiyamateo.
“I miss your morning song, rap, dance and I miss our late night chitchatting (face with tears of joy emoji).
“Thank you so much for always making me laugh. You are the best roommate I could ever ask for!!! Love you so much babe!!!
“#roomie#rabiyamateo #missuniverse #missuniversejapan #missuniversejapan2020”
View this post on Instagram
Kaagad namang sumagot si Rabiya. Ayon sa Ilongga beauty queen, napaiyak siya sa mensahe ni Aisha.
Saksi raw ang Japanese beauty queen sa lowest points niya noong umuusad pa ang kumpetisyon sa prestigious pageant.
Mensahe ni Rabiya, “@aishatochigi why are you like that? You are making me cry. I love you so much.
“You saw me at my lowest point in the competition but you were also there helping me get through everything.
"Mahal na mahal kita! Pls visit PH!”
Nangako naman si Aisha na bibisita ito sa Pilipinas balang-araw.
Saad niya, “@rabiyamateo Aw love and you made my day everyday!! Definitely going to PH! Mahal kita”
Miss Universe 2020
Pumasok si Rabiya sa Top 21 semifinalists ng Miss Universe 2020, habang hindi naman pinalad si Aisha.
Ang iba pang mga nakapasok sa Top 21 ay sina Laura Olascuaga (Colombia), Janick Maceta Del Castillo (Peru), Maria Thattil (Australia), Clémence Botino (France), Thuzar Wint Lwin (Myanmar), Miqueal-Symone Williams (Jamaica), Andrea Meza (Mexico).
Pasok din sina Kimberly Jimenez (Dominican Republic), Asya Branch (USA), Ayu Maulida (Indonesia), Alina Luz Akselrad (Argentina), Adline Castelino (India), Chantal Wiertz (Curacao), Estefanía Soto Torres (Puerto Rico).
Kasama rin sa sinuwerte sa Top 21 sina Julia Gama (Brazil), Jeanette Akua (Great Britain), Ana Marcelo (Nicaragua), Amanda Obdam (Thailand), Ivonne Cerdas (Costa Rica), at Khánh Vân Nguyen Tran (Vietnam) na siyang nakakuha ng pinakamaraming boto sa fan votes.
Hindi na nakausad si Rabiya sa Top 10.
Si Andrea Meza ng Mexico ang nag-uwi ng korona at hinirang na Miss Universe 2020.