Ginamit ba ni Alice Dixson ang kanyang impluwensiya para agarang makakuha ng Pfizer COVID-19 vaccine sa Maynila gayong ang kanyang first dose ng nasabing bakuna ay sa ibang bansa niya nakuha?
Ito ang tanong ng isang netizen dahil kaunti pa lamang ang supply ng Pfizer vaccines sa Pilipinas.
Noong unang linggo ng Abril, nabakunahan si Alice ng first dose ng Pfizer vaccine sa Canada.
Sabi niya sa kanyang post noon sa Instagram: “I got my 1st yesterday thanks to my big bro who drove me back n forth to the vaccination site numerous times (long story) yay!
“My 2nd shot is 3-4 weeks pero balak ko sana sa Pilipinas na lng pag uwi namin.
“Does anyone know if may Pfizer sa atin? So far balita ko is AstraZenica & Sinovac.
“May alam ba kayo na Pfizer? Pls let me know kasi yun ang kailangan ko sa 2nd vaccination dose ko.
Thank you.
“Btw I heard in Manila you can get your vaccines na kahit lockdown - true? If yes gogogo!”
View this post on Instagram
SECOND DOSE
Noong Sabado, May 22, nabakunahan na si Alice ng kanyang second dose ng Pfizer COVID-19 vaccine dito sa Pilipinas—sa Sta. Ana Hospital, Maynila.
Ang 193,050 Pfizer doses ay natanggap ng bansa mula sa COVAX facility ng World Health Organization (WHO) noong May 11.
Inilaan ito sa Metro Manila, Cebu, at Davao.
Sa kanyang Instagram, ipinagmalaki ni Alice na fully vaccinated na siya.
Sabi niya, “I had my 2nd dose of Pfizer!
“More good news for you - - 1500 vaccines tomorrow!!!
“Register na mga city mates”
View this post on Instagram
NETIZENS REACT
Hati ang reaksiyon ng netizens sa magandang balitang ito ni Alice.
Komento ng isa (published as is), “In Manila, they are very advance in vaccines, because their Mayor is very responsible doing his job.”
Sagot ni Alice, “@rdrgz.lloyd I agree”
Dito na sumulpot ang isang netizen na nagtanong at kinuwestiyon ang pagbabakuna ni Alice ng Pfizer COVID vaccine.
Sabi nito, “@rdrgz.lloyd @alicedixson Hi! Isn’t the Pfizer roll-out in Manila only on its first dose palang, and only for people among the A1 to A3 priority group? Im from Manila, A1, had my first dose of Pfizer last week. So how come kayo po fully vaccinated na?”
Isa pang netizen ang sumagot sa nasabing komento: “i think she had her 1st dose in US”
Mali ang pangalawang netizen dahil sa Canada unang nagpabakuna ang aktres.
Dito na nag-alburuto ang unang netizen. Hindi siya nagpatinag sa kanyang komento.
Kasunod nitong tinag sa kanyang komento si Manila Mayor Isko Moreno.
Tanong ng netizen kay Mayor Isko: “@iskomorenodomagoso pwede po pala na sa Manila yung second dose kahit hindi dito nagpa first dose? Ano pa po ang use ng Manila vaccination card? As far as i Know it’s required na naka first dose ka sa Manila, right? Kasi yung vaccines always in two doses. Mayor please respond and enlighten us"
Sabi pa nito, sana raw ay tinapos na lang ni Alice sa Canada ang kanyang second dose.
Dito na sumagot si Alice sa hinihinala niyang "troll" o peke ang social media account na netizen.
Ayon sa aktres, dapat ay may exemptions sa rule katulad ng mga Pinoy na nais umuwi sa bansa.
Wala naman daw siyang special treatment at dapat daw ay huwag isiping artista siya kaya nabigyan siya ng pangalawang dose ng Pfizer vaccine.
Saad ni Alice, "Given your account is private and possibly a troll I normally would not respond, but for the sake of others who are waiting for vaccinations pa, I’ll humor you for their benefit. @revelynventura & @ggbbyy10 already got it right with their responses!
“ang Puede ko lng i-add: Our systems serve as a guide, as a general rule; however in cases of extenuating circumstances requiring for eg. someone to return back to their country of origin, shouldn’t our system be flexible?
“Remove the ‘artista’ or special treatment out of the equation... Paano ka for example if you were in my shoes? What would you do?
"Ako kasi, Inabanngan ko po talaga ang pag dating ng Pfizer sa Pilipinas kaya nagregister din ako like everyone; Then shinare ko dito yun sites & link process.
"other kababayans do not need Pfizer and can still get other brands as guided in the public info links provided. Know that everything will work itself out because more vaccines are coming & everyone will get vaccinated. Wala po masasayang Stay safe @rdrgz.lloyd"
Giit ng netizen, dapat daw ay hindi ang sistema ang mag-adjust para kay Alice.
Aniya, “Post ko nalang po ulit kasi dinelete mo:
“You said SHOULDN’T OUR SYSTEM BE FLEXIBLE? So you’re saying the system should bend for you? Isn’t that much of an entitlement? It’s not our problem if you chose to get vaccinated in the US and not wait for your second dose. So why should the system adjust for your personal choices? Kung magbebend sya for you, should’t it bend for everyone else in difficult situations?
“So did you declare sa vaccination site and sa staff na second dose mo na? Because they ask sa screening, right? If yes, and they still allowed you, then the system remains flawed for that very reason: People who are undisciplined and entitled.
“You know Madam, ikaw lang rin naman ang makakasagot sa sarili mo if you HONESTLY followed the policies, or if you made use of your “extenuating circumstance” aka a personal choice to bend the policies. So just be honest with yourself, kahit hindi na sa public. Do you really think you did the right thing without taking advantage of other?
“WALANG BURAHAN NG COMMENT MADAM. You made this public so be accountable for it. If you know in your heart you did nothing wrong, my comments should be nothing to you.”
Hindi na sumagot si Alice sa mga kasunod pang komento.
Pero puna ng iba, bakit daw pag artista ay nauuna sa pila.
May nagsabi pang hindi naman daw taga-Maynila si Alice kundi isa siyang Taguig resident.
Nasa A1 (medical frontliners), A2 (senior citizens), at A3 (persons with comorbidities) pa lamang ngayon ang binabakunahan sa bansa.
Hindi rin sinagot ni Alice ang tanong ng ilang netizens kung saang category siya napapabilang.
Mananatiling bukas ang PEP.ph (Philippine Entertainment Portal) kung may nais linawin si Alice Dixson sa isyung ito.