Nagpaabot ng kanyang pakikiramay ang celebrity stylist na si Liz Uy sa pagpanaw ni dating Pangulong Benigno “Noynoy” Aquino.
Sa kanyang Instagram Stories ngayong araw, June 24, ibinahagi ni Liz sa kanyang followers ang pakikidalamhati niya sa mga naulila ng dating lider ng bansa.
Sabi ni Liz sa larawan ng dating Pangulo na kuha noong nakaupo pa ito sa Malacañang: “Rest in peace [heart emoji].”
DATING HISTORY
Si Liz ay napabalitang naka-date noon ni PNoy.
Noong Novermber 2010, sa ulat ng defunct showbiz talk show na The Buzz ng ABS-CBN, kinumpirma mismo ni Noynoy ang pagdi-date nila ni Liz.
Pahayag niya, "We have been spending some time together as long as our schedules would permit. But I guess at this point in time, that is the extent of it.
"At present time, I think I'm just recovering also from a recent engagement.
"And there are too many things and the schedules of both sides are really difficult to find common time, and especially when you're not given a little private time."
Ang tinutukoy noon ni PNoy na "recent engagement" ay ang natapos na relasyon nila ng ex-girlfriend niyang si dating Valenzuela Councilor Shalani Soledad.
Bukod kina Liz at Shalani, naugnay rin noon si PNoy kay Grace Lee at Pia Wurtzbach.
Pumanaw si dating Pangulong Noynoy Aquino ngayong araw, June 24, sa hindi pa sinasabing dahilan ng kanyang pamilya.
Hinihintay pa ang official announcement ng pamilya Aquino ukol sa kanyang pagpanaw.
In honor of President Aquino, Summit Books is sharing Dream Big Books' "Ninoy, Cory and Noynoy" written by Yvette Fernandez and illustrated by Abi Goy as a FREE ebook for the next two weeks. Download it here: bit.ly/SBFreeNinoyCoryNoynoyBook