Ang Asia’s Romantic Balladeer na si Christian Bautista ang isa sa masasabing masuwerte na muling na-renew ang exclusive contract sa GMA Network.
Noong June 24 pumirma si Christian ng kanyang network contract kaya tinanong ng awtor na ito kung ano ang pakiramdam na isa siya sa "chosen few."
"Grabe ang tanong, ang galing-galing ng tanong. Napakaganda ng tanong. Pero, iibahin ko nang slight ang sagot, mga kaibigan ko rin yun," swabeng bungad ni Christian.
Hindi kailang may ilang Kapuso artists ang hindi nabigyan ng network contract nitong kasagsagan ng pandemya.
Ayon kay Christian, wala siya sa posisyon para magsalita kung hindi nga ba na-renew ang kontrata ng ibang Kapuso artists na napabalitang lumipat ng kabilang istasyon.
"Ganito ko siya sasagutin. Kasi, I’ve also been there. I also know the feeling of transferring.
"Everybody's decision or meeting, niri-review ‘yan, may pag-uusap, may pag-iisip.
"It’s not usually hindi na-renew ang artist. Sometimes, yung artist want a different path, a different take or look on surrounding."
Sa parte niya, aminado si Christian na nakaramdam siya ng "kaba" noong hindi pa niya alam na mare-renew ang kanyang network contract.
"Merong kaba because of the pandemic, because of the lockdown. Parang hindi sure lahat, e, noong time na yun.
"Pero noong nabigyan nga ako ng assurance na we will renew, ang laking peace rin na dumating sa akin."
Nakapanayam ng PEP.ph (Philippine Entertainment Portal) si Christian sa virtual mediacon para sa pananatili niya bilang Kapuso noong June 24.
SOLID KAPUSO "IN ALL THE YEARS THAT THEY WILL HAVE ME"
Nagpapasalamat si Christian na isa pa rin siyang exclusive Kapuso artist.
Sabi niya sa PEP.ph, "Pero to answer your question, to still be offered a contract provides a great deal of humility, thankfulness, gratefulness that this network still supports me and trusts me these many years to still be working with them and for them.
"So, masarap na feeling yun as an artist."
Nakikita na ba niya ang sarili na magiging forever Kapuso?
"Nakikita ko ang sarili ko to do my best as a Kapuso in all the years that they will have me," sagot ni Christian.
Dagdag niya, "If they will have me, I will do my best to be there for them."
Sa ngayon, napapanood si Christian sa Sunday musical-variety show na All-Out Sundays.
Isa pa rin siya sa mga hurado sa muling pagbabalik ng The Clash, ang Kapuso reality singing competition na nasa season 4 na.
Kuntento na ba siya na hosting ang ginagawa niya sa telebisyon o gusto pa rin niyang umarte?
Sagot ni Christian: "Ako, honestly, kapag natapos na ang isang project, iniisip ko lagi, ano ang next show na pwede kong gawin.
"Whether it’s another acting project or hosting, singing or touring, I always look forward to what’s next or whatever that may be.
"Still is also acting from VIU, and hopefully, that will bring through other projects as well.”
Ang tinukoy ni Christina na Still ay ang upcoming musical narrative series nila ni Julie Anne San Jose na ipapalabas sa streaming site na VIU.
Binanggit din ni Christian na ngayon pa lang ay pinaplano na niya ang kanyang 20th anniversary concert sa 2022.
HOPING TO LEARN THE CREATIVE SIDE OF HIS CRAFT
Sa huli, tinanong din ng PEP.ph si Christian kung posibleng maging bahagi siya ng creative team ng GMA Network para sa mga susunod na proyektong gagawin niya.
Lalo pa't may karanasan na siyang maging line producer sa virtual concert ni Alden Richards noong December 2020.
“To answer you, hindi. Pero dahil nabigyan mo ako ng idea, parang gusto kong ipa- addendum yun,” biro ni Christian.
Natatawang dagdag pa ng singer-actor, “Itatanong ko sa mga boss kung pwede pang ilagay yun."
Pero sumeryoso rin si Christian at sinabing interesado siyang magkaroon ng experience sa creative process ng kanyang mga proyekto in the future.
"As for direction, I think yun ang natural progression din ng isang creative or creator.
"Of course, may mga taong napakagaling nila as artist lang. Pero ako, gusto ko rin ma-experience kung paano maging creator.
"So, gusto ko pa ng ganoon pa.”
Use these Adidas PH promo codes when you shop or order online. Marami pang ibang coupons dito.