Imbitado sa kasal ni Ara Mina ang ex-boyfriend niyang si Bulakan, Bulacan Mayor Patrick Meneses.
Ngayong Miyerkules ng hapon, June 30, ikinasal si Ara kay Philippine International Trading Corporation Undersecretary Dave Almarinez sa Alphaland Baguio Mountain Lodges Chapel, Baguio City.
Eksklusibong nakausap ng PEP.ph (Philippine Entertainment Portal) si Patrick, na lubos ang kasiyahan para sa newlyweds.
Ayon kay Patrick, personal siyang inimbitahan nina Ara at Dave para dumalo sa kasal ng mga ito.
Maganda raw ang relasyon niya sa couple.
Sabi ni Patrick, "Actually, they went to my house. We're really good friends, e. Even Dave and I. Dave made an effort for us to meet."
Ano ang mensahe niya para kina Ara at Dave?
Sagot ni Patrick, "Siyempre, it's not every day that anyone finds their soulmate.
"She's very lucky and Dave's lucky as well. They found each other. Soulmates sila.
"I feel so blessed to be part and to witness this ceremony. This is the biggest event in their life."
Si Patrick ang ama ng six-year-old daughter ni Ara na si Mandy.
Tatlong buwan pa lang si Mandy nang maghiwalay sina Patrick at Ara noong March 2015.
Bigo man ang relasyon nila ay nanatili silang mabuting magkaibigan at co-parents sa kanilang anak.