Idinaan ni Macky Mathay, 41, sa tawa nang matanong kung may banta o warning siya para kay Philippine International Trading Corporation Undersecretary Dave Almarinez, 46.
Si Dave ay kakakasal lang sa kapatid ni Macky na si Ara Mina, 42.
Ikinasal sina Ara at Dave sa Alphaland Baguio Mountain Lodges Chapel, Baguio City, ngayong Miyerkules ng hapon, June 30.
Kabilang sa mga dumalo sa wedding si Macky at girlfriend nitong si Sunshine Cruz, na close friend naman ni Ara.
Sina Macky at Ara ay magkapatid sa ama—si former Quezon City Congressman Ismael “Chuck” Mathay III.
Nang hingan ng mensahe para sa newlyweds, biniro si Macky kung may banta ba siya kay Dave.
“Wala. Hindi ako ganun!” natatawang sagot ni Macky.
Ayon kay Macky, saksi siya kung gaano kamahal ni Dave si Ara.
“I know that Dave really loves Hazel—Ara,” ani Macky.
Hazel ang tunay na pangalan ni Ara.
“I’m just seriously happy for the both of them and I’m happy for Ara, for Hazel.
“Finally, di ba, Sis, finally you’ve found the guy you want to spend the rest of your life with.”
Na-engage sina Ara at Dave nito lamang Enero 2021, matapos aminin ang kanilang relasyon late last year.
MACKY WELCOMES DAVE TO THEIR FAMILY
Mainit daw na tinatanggap ni Macky sa kanilang pamilya si Dave.
Sabi ni Macky, nakikita niya kung gaano kasaya si Ara sa piling ni Dave. Naniniwala rin siyang mabuting tao ang mister ni Ara.
“Like I said, a couple of times ago sa mga bachelors’ dinner, ‘tsaka sa mga family dinner namin, we know, and we feel, and we see how much Hazel—Ara—loves Dave.
“And magaan rin naman talaga ang naramdaman ko towards Dave.”
Malugod na pagtanggap ni Macky kay Dave: “So, in behalf of the Mathay family, we are really accepting Dave with open arms.
“Not only with open arms but also with open heart.
“Kaya brother Dave, we are welcoming you to our family and we cannot wait to enjoy the rest of our lives with you as well.”
Use these MetroMart promo codes when you shop or order online. Marami pang ibang coupons dito.